Manzil: 140104, O`zbekiston, Samarqand shahri, Universitet xiyoboni, 15-uy

Iqtisodiyot va biznes fakulteti dekani

Safarov Bahodirxon Shahriyorovich

  • Qabul vaqti: Har kuni 14:00 dan 16:00 gacha
  • Telefon:
  • Elektron pochta:

1994-1999 yillar Samarqand davlat universiteti talabasi;
1999-2001 yillar Samarqand davlat universiteti magistranti;
2001-2004 yillar O‘zbekiston fanlar akademiyasi aspiranti;
2005-2012 yillar Samarqand davlat universiteti ijtimoiy-iqtisodiyot, menejment va moliya kafedrasi assistenti;
2012-2014 yillar Samarqand davlat universiteti ijtimoiy-iqtisodiyot, menejment va moliya kafedrasi dotsent vazifasini bajaruvchi;
2014-2017 yillar Samarqand iqtisodiyot va servis instituti katta-ilmiy xodim, izlanuvchi;
2017-2018 yillar Samarqand davlat universiteti kadrlar menejmenti kafedrasi mudiri.

2018 yildan Samarqand davlat universiteti Iqtisodiyot va biznes fakulteti dekani

 

FAKULTET HAQIDA

Iqtisodiyot va biznes fakul’teti o‘z faoliyatini 1992 yil SamDU amaliy matematika fakul’teti tarkibida 33 ta talaba qabul qilishdan boshlagan. 1997 yilda alohida “Iqtisodiyot” fakul’teti bo‘lib ajralib chiqqan. Dastlab fakul’tet “Iqtisodiyot” deb nomlanib, fakul’tetining asoschisi va birinchi dekani prof. K.Saidov (1997-1999 yillar) bo‘lgan. 
1997-yil 15-avgustda unversitet tarkibida mustaqil "Iqtisodiyot" fakul’teti tashkil etilganligi haqida rektor buyrug‘i e’lon qilindi. Shu yili ilk bor Iqtisodiyot fakul’tetini 30 nafar yosh mutaxassislar bitirib chiqdi, ular Respublikamizning turli nufuzli boshqaruv tashkilotlariga, moliya, bank, bojxona va soliq tizimiga yuborildi. 
2011-yildan fakul’tetining nomlanishi “Ijtimoiy-iqtisodiyot” deb o‘zgartirildi. Undan so‘ng O‘zbekiston Respublikasi Vazirlar maxkamasining 2018-yil 24-iyuldagi 571-sonli qarorida ko‘rsatilgan universitet tuzilmasini optimallashtirish hamda Samarqand Davlat universiteti Ilmiy Kengashining 2018-yil 6-iyuldagi 13-sonli qarori ijrosini ta’minlash maqsadida universitet rektorining 584-ij sonli buyrug‘iga asosan fakul’teti “Iqtisodiyot va biznes” deb nomlandi. 
Xozirgi vaqtda Iqtisodiyot va biznes fakul’tetida uchta kafedra mavjud bo‘lib, ular “Iqtisodiyot va tadbirkorlik”, “Kadrlar menejmenti va biznes” va “Iqtisodiy nazariya” kafedralaridir. 
Fakul’tetida professor-o‘qituvchilar soni 38 kishini tashkil etadi. Shulardan professorlar - 4 kishini, dosentlar - 11 kishini, katta o‘qituvchilar 5 kishini va assistentlar 18 kishini tashkil etadi.
Fakul’tetida 20 ta guruh mavjud bo‘lib, talabalar soni 464 kishini tashkil etadi. Shulardan 24 ta magistr, 426 ta bakalavr, 14 ta ikkinchi oliy ta’lim mutaxassisligidir. Fakul’tetida 20ta guruhga professor-o‘qituvchilar murabbiylik faoliyati bilan shug‘ullanadi.
Fakul’tetda kompyuter sinfi mavjud bo‘lib, INTERNET xalqaro tizimiga ulangan. Fakul’tetning har bir professor-o‘qituvchilarining elektron pochtalari mavjud. Fakul’tetda o‘quv mashg‘ulotlarining sifatini oshirish maqsadida davlat ta’lim standartlariga mos o‘quv va ishchi rejalari yaratildi. 
Talabalarning bilimini baholashning reyting tizimi joriy etilgan bo‘lib, barcha fanlar bo‘yicha ma’ruza matnlari, o‘quv-uslubiy majmualar tayyorlangan va nashr etilgan. Shu bilan bir qatorda fakul’tet professor-o‘qituvchilari tomonidan 15 ta darslik, 25 dan ziyod o‘quv qo‘llanmalar chop etilgan va ma’ruza matnlarining elektron versiyalari yaratilgan. O‘qituvchilarning pedagogik mahoratini oshirish maqsadida o‘quv yilining har oyida ikki oy muddatda tasdiqlangan reja asosida professor-o‘qituvchilar malakasini oshirib kelmoqda. Fakul’tetda doimiy ilmiy-uslubiy seminarlar tashkil etilgan. 
Fakul’tetda iqtidorli talabalar jamoasi shakllangan bo‘lib, ular orasida 4-bosqich talabasi Sultonov Sanjar I.Karimov nomli stipendiant, 4- bosqich talabasi Xasanov Habibullo O‘tkirjon o‘g‘li, 3-bosqich talabasi Umirov Islombek Furkatovichlar Navoiy Davlat stipendiyasiga, magistratura yo‘nalishining 1-bosqich talabalari Erkinov Behbud va Sa’dullayeva Bahora Navoiy Davlat stipendiyasiga sazovor bo‘lgan. 
Ta’lim yo‘nalishlari
Iqtisodiyot va biznes fakul’tetida 3 ta bakalavr ta’lim yo‘nalishi va 3 ta magistratura mutaxassisligi mavjud: 
Bakalavriat
5230100 – iqtisodiyot 
5111000 – kasb ta’lim i: iqtisodiyot 
5231700 – kadrlar menejmenti
Magistratura
5A230110 - Demografiya, mehnat iqtisodiyoti
5A230101- Iqtisodiy nazariya
5A231701-Kadrlar menejmenti
Doktorantura
080010 - Demografiya, mehnat iqtisodiyoti
080005 – Xizmat ko‘rsatish tarmoqlari iqtisodiyoti
Iqtisodiyot va biznes fakul’teti hozirgi kunda Chexiya davlatining Praga metropoliten universiteti va Chexiya tabiiy fanlar universiteti, Ispaniyaning Granada universiteti, Hindistonning J.Neru nomidagi Delhi universiteti, Rossiyaning Высшая школа экономики Перм universiteti, Qozon federal universiteti, Belarussiyaning Minsk radiotexnika universitetlari bilan xalqaro-ilmiy, o‘quv-uslubiy jihatdan hamkorlik olib bormoqda.