Manzil: 140104, O`zbekiston, Samarqand shahri, Universitet xiyoboni, 15-uy

Fakultet dekani

Kipchakov Baxodir Baxriddinovich

  • Qabul vaqti: Har kuni 14:00 dan 16:00 gacha
  • Telefon: +998912282888
  • Elektron pochta: sport@samdu.uz

  • 1973-yil Navoiy viloyati Nurota tumanida tug'ilgan;
  • 1991-1995-yillar Samarqand davlat universiteti talabasi;
  • 1995-1998-yillar Samarqand davlat universiteti jismoniy tarbiya va sport kafedrasi o‘qituvchisi;
  • 1998-2013-yillar Samarqand davlat universiteti jismoniy tarbiya va sport kafedrasi katta o‘qituvchisi;
  • 2013-2015-yillar Samarqand davlat universiteti jismoniy tarbiya va sport kafedrasi mudiri vazifasini bajaruvchi;
  • 2015-2016-yillar Samarqand davlat universiteti fakultetlararo jismoniy madaniyat va sport kafedrasi mudiri;
  • 2016-yildan Samarqand davlat universiteti jismoniy madaniyat fakulteti dekani.

FAKULTET HAQIDA

Samarqand davlat universitetining Jismoniy madaniyat fakulteti 1967 yildan buyon faoliyat ko’rsatib kelmoqda. Fakultetning 5112000- “Jismoniy madaniyat”, 5610500- “Sport faoliyati (faoliyat turlari)” bakalavryat kunduzgi hamda sirtqi, maxsus sirtqi va magistratura ta’lim yo’nalishlarida 1000 dan ortiq talabalar tahsil olmoqda.

Samarqand davlat universitetining Jismoniy madaniyat fakulteti qoshida 5 ta kafedra mavjud bo’lib, “Jismoniy madaniyat nazariyasi va metodikasi”, “Sport turlarini o’qitish metodikasi”, “Sport pedagogik mahoratini oshirish metodikasi”, “Fakultetlararo jismoniy madaniyat va sport”, “Hayot faoliyati xavfsizligi” kafedralaridir ushbu kafedralarda 69 nafar professor-o’qituvchilar shundan 3 nafar professor, 5 nafar dosent, 5 nafar katta o’qituvchi hamda 56 nafar assistentlar faoliyat olib borishmoqdalar.

Fakultet professor-o’qituvchilari tomonidan 6 ta darslik: prof.E.N.Nuritdinov “Odam fiziologiyasi”, “Jismoniy tarbiya tarixi va boshqarish” prof.J.E.Eshnazarovlar tomonidan chop etilgan va O’zbekiston Respublikasi OTMlaridagi 15 ta jismoniy madaniyat fakulteti talabalari aynan shu darsliklar orqali ta’lim olmoqdalar. Shuningdek  20 ta o’quv qo’llanma, 40 dan ortiq uslubiy qo’llanma, monografiya, 500 dan ortiq ilmiy maqolalar chop etilgan. Fakultetda 3 ta xalqaro, 7 ta respublika miqyosidagi ilmiy-amaliy konferensiyalar o’tkazilgan.

Fakultet professor-o’qituvchilari jamoasi Xitoyning Syu-Ju universiteti, Tojikiston, Rossiya, Qozog’iston va respublikamizning 20 dan ortiq oliy ta’lim muassasalari hamda ilmiy tadqiqot markazlari bilan o’zaro hamkorlik munosabatlarini o’rnatgan.

2018-2019 o’quv yilida Jismoniy madaniyat fakultetining kunduzgi ta’lim yo’nalishida jami talabalar soni 767 nafar bo’lib, shundan 188 nafari yuqori malakali sportchi-talabalar hisoblanadi. Bulardan bugungi kunda 14 nafari Jaxon chempioni, 29 nafari Osiyo chempioni, 145 nafari O’zbekiston chempionlaridir. Bular ichida Braziliyaning Rio-De Janeyro shahrida bo’lib o’tgan XXXI yozgi Olimpiada o’yinlarida ishtirok etgan 4-bosqich talabamiz Yodgoroy Mirzayeva shular jumlasidandir.

Birgina 2018 yilda Indoneziyaning Jakarta va Palembang shaharlarida bo’lib o’tgan XVIII yozgi Osiyo o’yinlarida 10 nafar yuqori malakali sportchi talabalarimiz ishtirok etib 3 ta kumush va 1 ta bronza medallariga sazovor bo’lishdilar.

Shu bilan bir qatorda yuqori malakali sportchi talabalarimiz Jaxon chempionati musobaqalarida 4 ta oltin, 4 ta kumush, 2 ta bronza medallariga va Osiyo chempionati musobaqalarida 5 ta oltin, 4 ta kumush va 4 ta bronza medallariga hamda O’zbekiston chempionatlarida 53 ta oltin, 9 ta kumush va 4 ta bronza medallari va diplomlari bilan taqdirlanishganlar.

  

Fakultetda jami 6 ta xalqaro Olimpiada qatnashchilari tahsil olgan va olmoqda. Ulardan Nikolay Anfimov, Dilshod Yorbekov, Yelena Piskunova, Anastasiya Kotlerova hamda Yodgoroy Mirzayeva va O’tkir Negmatovlarni sanab o’tishimiz mumkin.Viloyat terma jamoasining 90 % tashkil etgan sportchi talabalarimiz o’tkazilgan 7 ta Universiada sport musobaqalarida 3 ta  ikkinchi o’rin, 2 ta uchinchi o’rinni olishga va Prezidentimiz sovg’asi bo’lgan 3 Tiko, 3 ta Damas avtomashinalari bilan taqdirlanganlar.

Fakultetda 1 nafar Prezident stipendianti,  2 nafar “Zulfiya” mukofoti, 2 nafar Mustaqillik ko’krak nishoni sovrindorlari va 1 nafar Navoiy nomidagi davlat stipendiantlari tahsil olishmoqdalar.

Jismoniy madaniyat fakultetida O’zbekiston Respublikasi Prezidentining “Jismoniy tarbiya va ommoviy sportni yanada rivojlantirish to’g’risida”gi PQ 3031-sonli qarori hamda O’zbekiston Respublikasi Vazirlar Maxkamasining ta’lim va jismoniy tarbiya va sport sohasiga oid qabul qilingan qarorlari ijrosini ta’minlash bo’yicha fakultetda harakat dasturi hamda yo’l xaritalari ishlab chiqilgan va ijrosi o’z vaqtida amalga oshirilmoqda.

Bugungi kunda talaba yoshlarni turli sport to’garaklariga jalb qilish, sport natijalarini oshirish, sport musobaqalariga tayyorlash uchun universitetning 5 ta sport zallarimizda barcha shart-sharoitlar yaratilgan bo’lib ushbu sport zallarda sportning 12 ta turi bo’yicha mashg’ulotlar tashkil qilingan.

Bundan tashqari Samarqand davlat universitetining  talabalar turar joylarida yashayotgan talabalar uchun 6 ta sport turlari bo’yicha to’garaklar faoliyat olib bormoqda va ushbu to’garaklarga 300 dan ortiq talaba yoshlarimiz jalb etilgan. Shu bilan birgalikda Jismoniy madaniyat fakulteti professor-o’qituvchilari raxbarligida Talabalar turar joylarida yashayotgan talabalarga ertalabki badan tarbiya mashg’ulotlari tashkil etilib muntazzam ravishda o’tkazilib kelinmoqda.