Самарқандда бўлиб ўтган ШҲТ саммитида илгари сурилган масалалар дунё нигоҳини мамлакатимизга қаратгани, кўҳна кентнинг халқаро сиёсат ва иқтисодиёт марказига айлангани биз учун фахр -ифтихордир.
    Халқларимиз ўртасидаги мустаҳкам дўстлик, кенг қамровли шериклик алоқалари саммит доирасида янада мустаҳкамланди. Прездентимиз Шавкат Мирзиёевнинг Шанхай ҳамкорлик ташкилотига аъзо давлатлар раҳбарлари кенгашида илгари сурган узоқ муддатли яхши қўшничилик, дўстлик ва ҳамкорлик бўйича таклифлари айнан шу мақсадга қаратилган. 
    Бу борада маданий-гуманитар алоқалар ҳамкорликнинг негизини ташкил қилиши ҳам айни ҳақиқат. Тарихан Буюк Ипак йўли билан боғланган бу ҳудудлар ўртасида яқин шерикчилик муносабатлари чуқур илдизга эга.
    Буюк Ипак йўлининг қоқ юрагида жойлашган бу муаззам шаҳар узоқ йиллар давомида маданий алоқалар, халқлар ўртасида савдо-сотиқ, илм-фан ютуқлари алмашинуви воситаси бўлиб хизмат қилган. ШҲТ га аъзо давлат раҳбарлари кенгашининг Самарқандда ўтказилгани ташкилотнинг бугунги нуфузига ўзига хос тарихийлик бахш этди. Самарқанднинг кўҳна оҳанрабоси, яна бир карра халқларни боғлади. Самарқанднинг нафақат иқтисодий-сиёсий барқарорлик, балки савдо ва инвестиция соҳасидаги ҳамкорлик алоқаларини янада юксак поғонага олиб чиққан кўприк вазифасини бажаргани ҳар бир юртдошимизга фахр туйғусини бахш этади.

 

Рустам Холмуродов,

Самарқанд давлат университети ректори,

Ўзбекистон Республикаси фан арбоби.