Семинарда JDS лойиҳаси вакиллари ҳамда Самарқанд давлат университети илмий жамоатчилиги иштирок этди.

    Мазкур лойиҳа Япониянинг нуфузли олий таълим муассасаларида магистратура босқичида таҳсил олиш учун ажратилган стипендия лойиҳаси ҳисобланади. Дастур ўз ичида 7 йўналишни қамраб олган бўлиб, иқтисодиёт, ҳуқуқ, бизнес, қишлоқ хўжалиги, сув ресурсларини бошқариш, соғлиқни сақлаш ва таълим каби соҳаларда номзодларни қабул қилади. 

    -JDS лойиҳаси қарийб, 20 йилдан ортиқ вақт давомида мос талабларга жавоб берадиган номзодларни Япониянинг нуфузли университетларида таҳсил олиш имкониятини беради, - дейди JDS лойиҳа офисининг минтақавий ходими Игараши Томоми, - Танлаб олинган номзодлар учун Ёкоҳама, Нагоя, Рицумейкан, Ҳиросима университетлари, шунингдек, Токио қишлоқ хўжалиги ва технологиялар университети ҳамда Наруто таълим университети каби таълим муассасаларида магистратура босқичида ўқиш учун грант ўринлари ажратилади. Биз ушбу лойиҳа воситасида Ўзбекистон ва Япония ўртасидаги икки томонлама муносабатларни ривожлантириш, халқаро майдонда тажриба алмашиш, етук салоҳиятли кадрлар тайёрлаш учун муҳим замин яратишга ҳисса қўшаётганимиздан мамнунмиз. Ҳозирга вақтга қадар JDS лойиҳаси томонидан 400 дан зиёқ стипендия совриндорлари Японияга юборилган, Айни кунларда Японияда 30 нафар ўзбекистонлик талаба грант лойиҳаси асосида таҳсил олмоқда.

Самарқанд давлат университети

Ахборот хизмати.

Шавкат Акрамов олган суратлар.