Самарқанд давлат университети халқаро таълим дастурлари маркази талабаларига Кореянинг KOICA (Korea International Cooperation Agency) агентлиги вакили Ёунгжон Сео “Эрта болалик таълим дастури билан таништириш ва дастурдан фойдаланиш шартлари” мавзусида семинар ўтди.

    Унда халқаро таълим маркази ўқитувчи ва талабалари иштирок этиб, мактабгача таълим тизимида Корея тажрибасига оид бир қатор янгиликлардан хабардор бўлдилар.

    -Ушбу семинар нафақат талабалар, балки халқаро таълим маркази ўқитувчилари учун ҳам ниҳоятда фойдали бўлади, деб ўйлайман, - дейди халқаро таълим маркази ўқитувчиси Наврўза Умирова, - Айниқса мактабгача таълим ёшидаги болалар онгида атроф-муҳит ва табиатга ҳурмат уйғотиш, китобларга, тил ўрганишга қизиқтириш муҳим ҳисобланади. Маърузачи томонидан Корея тажрибаси асосида ўргатилаётан методлар, турли тавсиялар айни соҳа вакиллари учун самарали ҳисобланади.

Самарқанд давлат университети

Ахборот хизмати.

Шавкат Акрамов олган суратлар.