UNIVERSITETIMIZDA «XOTIRA DARSLARI»

Samarqand davlat universitetida 2016-2017 o‘quv yilining birinchi juftlik darsi O‘zbekiston Respublikasining birinchi Prezidenti Islom Abdug’aniyevich Karimovning porloq xotirasiga bag‘ishlangan “Xotira darslari” bilan boshlandi.

“Xotira darslari”da Islom Abdug‘aniyevich Karimov mustaqil O‘zbekiston davlatining asoschisi ekanligi, yurtimizni sobiq mustabid tuzumi qaramligidan ozod qilib, uni zamonaviy asosda taraqqiy ettirish strategiyasini, dunyoda “O‘zbek modeli”  degan nom bilan tan olingan rivojlanish yo‘lini ishlab chiqqan, jahon miqyosida katta obro‘-e’tibor qozongan, buyuk davlat va siyosat arbobi sifatida Vatanimiz tarixida o‘chmas va yorqin iz qoldirganligi hamda xalqimiz o‘zining qisqa muddat – 25 yilda erishgan barcha yutuq va marralarini haqli ravishda aynan Prezident Islom Karimov nomi bilan bog‘lashi va shu ulug‘ insonning beqiyos xizmatlari deb bilishi ta’kidlandi.

“Xotira darslari”da O‘zbekiston Respublikasining birinchi Prezidenti Islom Abdug‘aniyevich Karimovning tarjimai holi o‘qib eshittirildi. Shuningdek, Islom Karimovning buyuk xizmatlari hamda u olib borgan ijtimoiy-iqtisodiy siyosatning asosiy ustuvor yo‘nalishlari bilan tanishtirildi.

ABITURIYENT-2016 MAVSUMI AVJIDA

Shu kunlarda respublikamizning barcha oliy oʻquv yurtlari qatori universitetimizda ham Oʻzbekiston Respublikasi Prezidentining «2016/2017 oʻquv yilida Oʻzbekiston Respublikasining oliy ta’lim muassasalariga oʻqishga qabul qilish toʻgʻrisida»gi Qaroriga asosan oʻqishga talabgor abituriyentlar bilan kasbga yoʻnaltirish ishlari hamda hujjatlar qabul qilish jadal sur’atlar bilan davom etmoqda.

2016-YILGI QABUL JARAYONI BOSHLANDI

       O‘zbekiston Respublikasi Prezidentining 2016-yil 26-may kuni qabul qilingan “2016/2017 o‘quv yilida O‘zbekiston Respublikasining oliy ta'lim muassasalariga o‘qishga qabul qilish to‘g‘risida”gi Qaroriga binoan mamlakatimizning barcha  oliy ta’lim muassasalarida, shu jumladan universitetimizda  shu yil 20 iyun kuni o‘qishga qabul ko‘tarinki ruhda boshlandi.