Халқаро оғир атлетика федерацияси (IWF) томонидан эълон қилинган Париж-2024 Олимпия ўйинлари янгиланган рейтингига кўра, СамДУ талабалари Шарофиддин Амриддинов, Ҳожиакбар Олимов, Оғабек Тўхтаев ҳамда Оғабек Напасовлар юртимиз бўйича Олимпия ўйинларида иштирок этишга номзод бўлган 16 спортчилар рўйхатидан ўрин олган.

    Ўзбекистон оғир атлетика федерацияси матбуот хизмати хабар  қилишича, Осиё чемпионати якунлангандан кейин эълон қилинган рейтингга кўра, Шарофиддин Амриддинов 27-ўринда бўлса, Оғабек Нафасов, Оғабек Тўхтаев, Ҳожиакбар Олимовлар ўз вазнлари бўйича Париж-2024 поғонасидан ўрин олган.

    Шунингдек, Халқаро оғир атлетика федерацияси Олимпия саралаш тизимига мувофиқ, спортчилар Париж-2024 да иштирок этиш учун келгусида иккита мажбурий ҳамда бештадан учта ихтиёрий халқаро мусобақада қатнашиши керак бўлади. Бу жорий йил 2-17 сентябрь кунлари Саудия Арабистонида ўтадиган Жаҳон чемпионати ва кейинги йил апрель ойида Таиланд мезбонлигидаги Жаҳон кубоги саналади.

    Маълумот учун, Париж-2024 Олимпиадасининг бешта ихтиёрий мусобақаларидан бири бўлган Осиё чемпионати айнан келгуси йил 20-27 февраль кунлари Тошкентда ўтказилиши белгиланган.

Самарқанд давлат университети

Ахборот хизмати.