Mарказ директори

Бабаяров Абдусаттор Ибрагимович

  •   Қабул вақти: Ҳар куни 14:00 дан 16:00 гача
  •  Электрон почта: amaliy_fak@samdu.uz

Биография

​

  • 1982-1984 йй. - Самарқанд давлат университети ҳисоблаш маркази мухандиси
  • 1984-1985 йй. - Самарқанд давлат университети инженер дастурчи
  • 1985-1987 йй. - Самарқанд давлат университети тадқиқотчи
  • 1987-1990 йй. - Самарқанд давлат университети аспиранти
  • 1990-1993 йй. - Самарқанд давлат университети ассистенти
  • 1995-2001 йй. - Самақанд давлат университети «Ҳисоблаш математика» кафедраси доценти
  • 2002-2005 йй. - Самарқанд давлат университети  Амалий математика ва информатика факултети декан ўринбосари
  • 2005-2008 йй. - Самарқанд давлат университети  Физика математика факултети декан ўринбосари
  • 2009-2017 йй - Самарқанд давлат университети Механика-математика факултети декан ўринбосари
  • 2017-2019 йй. - Самарқанд давлат университети Амалий математика ва информатика факултети декан ўринбосари
  • 2019-2020 йй. - Самарқанд давлат университети Амалий математика ва информатика факултети декани
  • 2020-2023 йй. - Самарқанд давлат университети Рақамли технологиялар факултети декани
  • 2023-ҳ.в гача  - Педагог кадрларни қайта тайёрлаш ва уларнинг малакасини ошириш минтақавий маркази директори.

 

 

Самарқанд давлат университети ҳузуридаги минтақавий малака ошириш ва қайта тайёрлаш маркази 1999 йил сентябр ойида университет ректорининг буйруғига асосан малака ошириш факультети негизида ташкил этилган.

Самарқанд давлат университети ҳузуридаги педагог кадрларни қайта тайёрлаш ва уларнинг малакасини ошириш Минтақавий Маркази Ўзбекистон Республикаси Президентининг 2011 йил 20 майдаги “Олий таълим муассасаларининг моддий-техника базасини мустаҳкамлаш ва юқори малакали мутахассислар тайёрлаш сифатини тубдан яхшилаш чора-тадбирлари тўғрисидаги” ПҚ-1533-сон Қарори, Ўзбекистон Республикаси Президентининг 2012 йил 28 майдаги “Малакали педагог кадрлар тайёрлаш ҳамда ўрта махсус, касб-ҳунар таълими муассасаларини шундай кадрлар билан таъминлаш тизимини янада такомиллаштиришга оид чора-тадбирлар тўғрисида”ги ПҚ- 1761-сон Қарори, Ўзбекистон Республикаси  Вазирлар Маҳкамасининг 2012 йил 26 сентябрдаги “Олий таълим муассасалари педагог кадрларини қайта тайёрлаш ва уларнинг малакасини ошириш тизимини янада такомиллаштириш чора-тадбирлар тўғрисида”ги 278-сон қарорлари, Ўзбекистон Республикаси Президентининг 2015 йил 12 июндаги “Олий таълим муассасалари раҳбар ва педагог кадрларини қайта тайёрлаш ва малакасини ошириш тизимини янада такомиллаштириш чора-тадбирлари тўғрисидаги” ПФ-4732-сонли Фармони асосида фаолият олиб борилиши белгилаб берилган.

Минтақавий Марказда қайта тайёрлаш ва малака ошириш йўналишлари сифатида; гуманитар фанлар; математика; табиий фанлар; социология ва психология; ҳуқуқ; атроф-муҳитни муҳофаза қилиш; ижтимоий-гуманитар ва табиий математика блоклари фанлари белгиланиб қўйилган.

Минтақавий Марказга Олий ва ўрта махсус таълим вазирлиги тасарруфидаги 12 та олий таълим муассасалари, жумладан, Самарқанд шаҳридаги 6 та олий таълим муассасаси, Навоий вилоятидаги 2 та ва Жиззах вилоятидаги 2 та ҳамда Сирдарё вилоятидаги 1 та олий таълим муссасалари, ушбу вилоятлардаги халқ таълими тизимидаги педагог кадрларни қайта тайёрлаш ва уларнинг малакасини ошириш ҳудудий марказлари ҳамда Самарқанд вилоятидаги барча ўрта махсус касб-ҳунар таълими муассасалари бириктирилган.

Минтақавий Марказда ўрнатилган тартибда ташкил этиладиган педагог кадрларни қайта тайёрлаш ва уларнинг малакасини ошириш ҳамда “Педагогик қайта тайёрлаш” курслари фаолият олиб бормоқда.

Минтақавий Марказда директор, 2 та бўлим (Қайта тайёрлаш ва малака ошириш жараёнларини ташкил этиш ва сифатини ўрганиш бўлими; Қайта тайёрлаш ва малака ошириш таълим дастурлари ва илғор тажрибани жорий этиш бўлими) бошлиғи,  услубчи, муҳандис-дастурчи, бош ҳисобчи ва ғазначи жами 7 та ходим бошқарув соҳасида фаолият кўрсатиши белгилаб қўйилган. Соатбай меҳнат ҳақи тўланиши асосида дарс машғулотлари олиб бориш учун минтақадаги энг салоҳиятли 100 нафардан дан ортиқ илмий-педагогик кадрлар ва мутахассислар жалб этилмоқда.