Марказ директори

Умаров Сардор Якубович

• Қабул вақти: Ҳар куни 14:00 дан 16:00 гача
• Телефон: +99891-525-25-89
• Электрон почта: sardor.umarov.2013@mail.ru

Биография

2009-2013 йиллар - Самарқанд Давлат университети тарих факультети талабаси.

2013-2015 йиллар - Самарқанд Давлат университети Умумий тарих кафедраси магистранти.

2015-2019 йиллар – Самарқанд Давлат университети Жаҳон тарихи кафедраси кабинет мудири.

2019-2019 йиллар - Самарқанд Давлат университети Халқаро таълим дастурлари факультети ассистенти.

2019-2020 йиллар - Самарқанд Давлат университети Халқаро таълим дастурлари факультети Ёшлар билан ишлаш бўйича декан ўринбосари.

2020-2022 йиллар - Самарқанд Давлат университети Халқаро таълим дастурлари факультети Ўқув ишлари бўйича декан ўринбосари.

2022 йилдан Ш.Рашидов номидаги Самарқанд Давлат университети Халқаро таълим дастурлари маркази директори

МАРКАЗ ҲАҚИДА

Самарқанд давлат университети  Халқаро таълим дастурлари маркази

Замонавий билимларга эга бўлган юқори малакали кадрлар тайёрлаш мақсадида 2019-йилда Самарқанд давлат университетида хорижий олий таълим муассасасалари билан ҳамкорликда Халқаро таълим дастурлари факультети ташкил этилди. Мазкур факультет 2022-йилда Халқаро таълим дастурлари марказига айлантирилди.

Халқаро таълим дастурлари марказида Хитой, Жанубий Корея, Исроил, Россия ва АҚШ каби ривожланган давлатларнинг етакчи университетлари билан ҳамкорликда қўшма таълим дастурлари мавжуд. Жумладан, Хитойнинг Шанси Нормал университети, Жанубий Кореянинг Сунчонхянг университети, Исроилнинг Холон технология институти, Россиянинг “Станкин” Москва давлат технологиялар университети, Томск давлат университети, Шимолий Кавказ Федарал университети, Белгород миллий тадқиқотлар давлат университети ва АҚШнинг Юта давлат университетлари билан ҳамкорликда 8 та бакалавриат йўналишлари ва 8 та магистратура мутахассисликлари бўйича кадрлар тайёрлаш йўлга қўйилган. Ҳозирги кунда марказда 120 нафар бакалавр ва магистрантлар таҳсил олишмоқда.

Марказда “Тарих (Буюк ипак йўли тарихи)”, “Мактабгача таълим”, “Амалий математика”, “Технологик жараёнлар, ишлаб чиқаришни автоматлаштириш ва бошқариш”, “Материалшунослик ва янги материаллар технологияси”, “Компютер илмлари ва дастурлаш технологиялари”, “Рақамли иқтисодиёт”, “Иқтисодиёт” бакалавриат йўналишларида таълим олиб борилмоқда. Ушбу йўналишлар бўйича ўқишнинг биринчи ва иккинчи йиллари СамДУда олиб борилади. Дастлабки икки йиллик ўқишни муваффақиятли тамомлаган талабалар кейинги босқичда хорижий олий таълим муассасаларида ўқишни давом эттиради. Ушбу таълим йўналишлари бўйича хорижда ўқишни муваффақиятли тугатган талабалар СамДУ ва хорижий ҳамкор университетларнинг икки томонлама дипломига эга бўлади.

Марказда магистратура мутахассисликлари бўйича 8 та қўшма таълим дастурлари ташкил этилган. Ушбу қўшма дастурлари Россиянинг “Станкин” Москва Давлат технологиялар университети, Томск давлат университети, Шимолий Кавказ Федарал университети, Белгород миллий тадқиқотлар давлат университетлари билан ҳамкорликда олиб борилмоқда. Магистратурада “Мехатроника ва робототехника”, “География (ўрганиш объекти бўйича)”, “Дориларнинг саноат технологияси”, “Инсон ресурсларини бошқариш” ва “Тарих (йўналишлар ва фаолият тури бўйича)” ихтисосликлари бўйича мутахассислар тайёрланади. Магистратура йўналишида таҳсил оладиган талабалар ўқишнинг биринчи йилини СамДУда ва иккинчи йилини хорижий ОТМда олиб боради. Бугунги кунга қадар хорижда ўқишни муваффақиятли тугатган 20 нафардан ортиқ магистрантлар СамДУ ва хорижий ҳамкор университетларнинг икки томонлама дипломига эга бўлди.

Марказда таълим жараёнларини самарали ва юқори даражада ташкил этиш мақсадида малакали маҳаллий ва хорижий профессор-ўқитувчилар жалб қилинган. Ҳозирги кунга қадар ҳамкор хорижий университетлардан 4 нафар мутахассислар марказда доимий равишда фаолият кўрсатишмоқда. Жумладан, Хитойдан 1 нафар, Ҳиндистондан 1 нафар, Япониядан 1 нафар ва Жанубий Кореядан 1 нафар профессор-ўқитувчилар марказ талабаларига дарс бериб келмоқда. Истиқболда 10 нафарга яқин хорижий мутахассисларнинг доимий равишда таълим жараёнларига жалб қилиниши режалаштирилган.

МАЛАКА ТАЛАБЛАРИ

Бакалавриат йўналиши малака талаблари

Тарих (Буюк ипак йўли тарихи) (Хитой Халқ Республикаси, Шанси Нормал университети)

Мактабгача таълим (Ёшлар тарбияси- Корея Республикаси, Сунчунхан университети)

Амалий математика (Исроил, Холон технология институти)

Компютер илмлари ва дастурлаш технологиялари (йўналишлар бўйича-Исроил, Холон технология институти)

Материалшунослик ва янги материаллар технологияси (тармоқлар бўйича- Россия Федерацияси, “СТАНКИН” Москва давлат технология университети)

Технологик жараёнлар, ишлаб чиқаришни автоматлаштириш ва бошқариш (Россия Федерацияси, “СТАНКИН” Москва давлат технология университети)

Рақамли иқтисодиёт (соҳалар ва тармоқлар бўйича-    Россия Федерацияси, Томск давлат университети)

Иқтисодиёт (соҳалар ва тармоқлар бўйича-Россия Федерацияси, Томск давлат университети)

Магистратура йўналиши малака талаблари

Мехатроника ва робототехника (Россия Федерацияси, “СТАНКИН” Москва давлат технология университети)

География (ўрганиш объекти бўйича) (Россия Федерацияси, Шимолий Кавказ федерал университети)

Инсон ресурсларини бошқариш (Россия Федерацияси, Шимолий Кавказ федерал университети)

Дориларнинг саноат технологияси (Белгород миллий тадқиқотлар давлат университети)

Тарих (йўналишлар ва фаолият тури бўйича) (Россия Федерацияси, Шимолий Кавказ федерал университети)