Ёшлар билан ишлаш, маънавият ва маърифат бошқармаси
Бошқарма бошлиғи
Тухтаев Хайрулла Нуруллаевич
- Қабул вақти: Чоршанба, Жума, 16-00 дан 18-00 гача
- Телефон: (0366) -239-15-83
- Электрон почта: Xayrullotuxtayev0@gmail.com
Биография
- 1983-1990 йй. - Самарқанд вилоят статистика бошқармаси ҳисоблаш маркази ходими
- 1990-1996 йй. - Тошкент давлат техника университети ўқитувчиси, стажёр-тадқиқотчиси
- 1996-1997 йй. - Республика маънавият ва маърифат жамоатчилик маркази бош мутахассиси
- 1997-1998 йй. - Ўзбекистон Республикаси Президенти ҳузуридаги давлат ва жамият қурилиши академияси тингловчиси
- 1998-2000 йй. - Республика маънавият ва маърифат жамоатчилик маркази бош мутахассиси
- 2000-2017 йй. - Самарқанд давлат университети маънавият-маърифат ва иқтидорли ёшлар билан ишлаш бўлими бошлиғи
- 2017-2021 йй. - Самарқанд давлат университети бошланғич касаба уюшма қўмитаси раиси
- 2023-2024 йй - Шароф Рашидов номидаги Самарқанд давлат университети Ёшлар билан ишлаш, маънавият ва маърифат бошқармаси услубчиси
- 2024 -2025 йй. - Жисмоний ва юридик шахслар билан ишлаш, назорат ва мониторинг бўлими бошлиғи
- 2025 й. - ҳ.в. - Самарқанд давлат университети Ёшлар билан ишлаш, маънавият ва маърифат бошқармаси бошлиғи
Ёшлар билан ишлаш, маънавият ва маърифат бошқармаси
Ёшлар билан ишлаш, маънавият ва маърифат бошқармаси университет жамоаси, айниқса талаба-ёшлар ўртасида миллий ва умумбашарий қадриятларга асосланган демократик тамойилларни қарор топтириш орқали инсон ҳуқуқлари ва қадр-қимматини улуғлашга, жисмонан соғлом, ақлан етук, дунёқараши теран ва мустақил фикрловчи баркамол ёшларни тарбиялашга йўналтирилган узоқ муддатли, кенг кўламли маънавий-ахлоқий тарбия ишларини амалга оширади.
Бошқарма ўз фаолиятини Ўзбекистон Республикасининг Конституцияси ва қонунлари, Ўзбекистон Республикаси Президентининг Фармон, Қарор ва Фармойишлари, Ўзбекистон Республикаси Вазирлар Маҳкамаси қарорлари, Ўзбекистон Республикаси Олий таълим, фан ва инновациялар вазирлиги буйруқлари ҳамда университет ички тартиб-қоидалари ва мазкур бошқарма Низомига асосан фаолият юритади.
Ёшлар билан ишлаш, маънавият ва маърифат бошқармасининг асосий мақсади - талаба-ёшларни миллий ва умуминсоний қадриятларга содиқлик руҳида тарбиялаш, уларнинг маънавий, эстетик, ахлоқий дунёқарашини кенгайтириш, тафаккурини турли хил ёт ғоялар таъсиридан ҳимоя қилиш ҳамда мустақил Ўзбекистоннинг чинакам фидойи, ватанпарвар фуқаролари сифатида тарбиялашдан иборат.
Маънавий-маърифий фаолиятнинг асосий йўналишлари:
- миллий ва умуминсоний қадриятларга таянган ҳолда талабаларни фаол гражданлик позициясига эга шахслар этиб шакллантириш;
- Ватанга хизмат қилиш борасидаги бурчларини сидқидилдан бажаришга тайёрлаш;
- талабанинг шахс сифатидаги ўзига хос индивидуал фазилатларни шакллантириш ва такомиллаштириш;
- талабаларни ижтимоий фаолликка, ташаббускорликка, ўқиш ва касбга нисбатан ҳурмат ҳамда ижтимоий масъуллик руҳида тарбиялаш;
- талабаларнинг ижтимоий-сиёсий ва ҳуқуқий онгини ошириш, уларда танқидий ва таҳлилий фикрлаш кўникмаларни кенгайтириш;
- турли салбий иллатлар: адолатсизлик, таъмагирлик, маҳаллийчиликнинг салбий оқибатларини талаба-ёшларга англатиш;
- талаба-ёшларнинг бўш вақтларини мазмунли ташкил этиш, қизиқишлари асосида илмий-ижодий фаолиятга жалб этиш;
- тизимли маънавий-ахлоқий ва тарбиявий ишларни такомиллаштириб бориш.
Ёшлар билан ишлаш, маънавият ва маърифат бошқармасининг асосий вазифалари:
- мамлакатимизда амалга оширилаётган ислоҳотларни талаба ёшлар орасида кенг тарғиб этиш;
- ахлоқий, эстетик, сиёсий, ҳуқуқий, бадиий тарбияни шакллантириш;
- миллий урф-одатлар, қадриятларни тарғиботига бағишланган анжуманлар, давра суҳбатлари ва учрашувлар ташкил этиш;
- талабаларнинг маънан ва жисман камолотга эришувига кўмаклашиш;
- университетда маънавий, маърифий ва тарбиявий ишларнинг устувор йўналишларини белгилаш, меъёрий ҳужжатлар асосида чора-тадбирлар ишлаб чиқиш ва амалга ошириш;
- диний экстремизм, терроризм, гиёҳвандлик ва уюшган жиноятчиликка қарши талабаларда мафкуравий иммунитетни қарор топтириш;
- ёшларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш, истеъдодини юзага чиқаришга кўмаклашиш;
- ёшларнинг бўш вақтини мазмунли ташкил этиш, улар орасида китобхонлик маданиятини юксалтириш;
- талаба қизларни касб-ҳунар эгаллашларига кўмаклашиш;
- Республика Маънавият ва маърифат марказининг вилоят бўлими ҳамда жамоат ташкилотлари билан ҳамкорликда маънавий-маърифий ишларни такомиллаштиришдан иборат.
Университетдаги маънавий-маърифий ишлар бевосита ёшлар масалалари ва маънавий-марифий ишлар бўйича биринчи проректор томонидан ташкил этилади, мувофиқлаштирилади ва назорат қилинади.