Sharof Rashidov nomidagi Samarqand davlat universiteti Kuzatuv Kengashi tarkibi haqida ma’lumot (10.04.2025 holatiga)

Kengash raisi – Ashurov Muxsin Xurramovich (ma’lumotnoma)

    Kengash maqsadi va vazifalari.

Kuzatuv Kengash O‘zbekiston Respublikasi “Ta’lim to‘g‘risida”gi Qonuni, O‘zbekiston Respublikasi Prezidentining 2019-yil 8-oktyabrdagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PF–5847-son Farmoni, O‘zbekiston Respublikasi Prezidentining 2021-yil 24-dekabrdagi “Davlat oliy ta’lim muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha chora-tadbirlar to‘g‘risida”gi PQ–60-son va “Davlat oliy ta’lim muassasalariga moliyaviy mustaqillik berish chora-tadbirlari to‘g‘risida”gi PQ–61-son qarorlariga muvofiq tashkil etilgan. Kuzatuv kengashi muassasani samarali boshqarishda strategik organ hisoblanadi.

    Kengash maqsadi - Ta’lim jarayonida ijtimoiy sheriklik tamoyillarini samarali amalga oshirish, ta’lim sifatini yaxshilash, Universitetni moddiy-texnika bazasini mustahkamlash, ta’lim jarayonini takomillashtirish va strategik rivojlantirishni ta’minlash.

    Kuzatuv kengashining vazifalari.

    Tashkiliy-boshqaruvdagi mustaqillik sohasida

Universitet tarkibida yangi institut, laboratoriya, ilmiy markazlarni, akademik tadbirkorlikni tashkil etish;

Universitet rektorining Universitet ustaviga o‘zgartirishlar kiritish to‘g‘risidagi takliflarini muhokama qilish va bu bo‘yicha qaror qabul qilish;

Kuzatuv kengashining samarali ishlashini ta’minlash uchun boshqa vakolatlarni amalga oshiradi.

    Oliy ta’lim muassasasi faoliyati yuzasidan

Kengash nizomiga o‘zgartirishlar va qo‘shimchalar kiritish to‘g‘risidagi takliflarni ishlab chiqadi va belgilangan tartibda tasdiqlaydi;

Universitet faoliyatini takomillashtirish va rivojlantirish, shu jumladan Universitetning rahbarlik lavozimlariga (rektor va prorektorlar) nomzodlarni ko‘rib chiqadi;

Universitet oldiga qo‘yilgan vazifalar ijrosi, maqsadli ko‘rsatkichlarga erishish holati bo‘yicha rektor va prorektorlar faoliyatini o‘rganish hamda axborotini eshitish;

Universitet rahbari va xodimlari hamda professor-o‘qituvchilari faoliyatiga baho berish, ular faoliyatining samaradorligini baholash mezonlarini (KPI) tasdiqlash;

Universitet hamda ular huzuridagi ta’lim va ilmiy muassasalarning rahbari va xodimlari, professor-o‘qituvchilari, shuningdek, xorijiy mutaxassislar uchun mehnatga haq to‘lash miqdori va samaradorlik mezonlariga asoslangan rag‘batlantirish tartibini mustaqil belgilash;

    Moliyaviy mustaqillik sohasida

Universitetning uzoq va o‘rta muddatli strategik rivojlantirish dasturini tasdiqlash, xalqaro e’tirof etilgan tashkilotlar reytingining yuqori o‘rinlaridan joy olish bo‘yicha maqsadli chora-tadbirlarni belgilash hamda uning amalga oshirilishini nazorat qilib borish;

Universitetning o‘rta muddat uchun shakllantiriladigan biznes-rejasi hamda daromadlar va xarajatlar parametrlarini tasdiqlash, ularning ijrosini muhokama qilish;

ta’lim yo‘nalishlari, mutaxassisliklar hamda ixtisosliklar bo‘yicha to‘lov-kontrakt asosida o‘qishga qabul parametrlarini belgilash to‘g‘risida qaror qabul qilish;

Universitetning ichki audit va moliyaviy nazorat xizmatiga moliyaviy nazorat o‘tkazish uchun qo‘shimcha topshiriq berish hamda nazorat tadbirlarining natijasi yuzasidan hisobot olish;

Universitetni rivojlantirish va uning moliyaviy faoliyati bilan bog‘liq masalalarni hal etish, shu jumladan nodavlat notijorat tashkiloti ko‘rinishida maqsadli kapital jamg‘armasini shakllantirish;

ilm-fan va innovatsiyalarni rivojlantirishning ustuvor yo‘nalishlaridan kelib chiqib, oliy ta’lim muassasalarining innovatsion va boshqa jamg‘armalar mablag‘larini sarflash tartibi va yo‘nalishlarini mustaqil belgilash;

Universitetning byudjetdan tashqari rivojlantirish jamg‘armasi mablag‘laridan foydalanish tartibini, shu jumladan xarajatlarning taqsimlanish ulushini mustaqil belgilash.

    Elektron pochta yo‘q, telefon +998906000888

Kuzatuv kengashining 2024-yil 16-sentyabrdagi yig'ilishining 4-son bayonnomasidan ko'chirma. 1-masala

Kuzatuv kengashining 2025-yil 16-yanvardagi yig'ilishining 1-son bayonnomasidan ko'chirma. 3-masala

Kuzatuv kengashining 2025-yil 16-yanvardagi yig'ilishining 1-son bayonnomasidan ko'chirma. 4-masala

Kuzatuv kengashining 2025-yil 16-yanvardagi yig'ilishining 1-son bayonnomasidan ko'chirma. 5-masala