Ilmiy kengash kotibi

Boltayev Mardonqul

•  Qabul vaqti: Seshanba, juma (14-00 – 16-00)
•  Telefon: (8 366)239-17-63
•  Elektron pochta: el-kotib@samdu.uz

Biografiya

1975-1980 – yillar Samarqand Davlat universiteti o‘zbek va tojik filologiyasi fakulteti talabasi.
1980-1990 – yillar Samarqand Davlat universiteti o‘zbek filologiyasi fakulteti umumiy tilshunoslik kafedrasi laboranti, katta laboranti, soatbay o‘qituvchisi.
1990-1993 – yillar Samarqand Davlat universiteti fakultetlararo o‘zbek tili kafedrasi o‘qituvchisi.
1993-2008 – yillar Samarqand Davlat universiteti amaliy tilshunoslik, o‘zbek tili va adabiyoti o‘qitish metodikasi kafedrasi katta o‘qituvchisi.
2008-2015 – yillar Samarqand Davlat universiteti amaliy tilshunoslik, o‘zbek tili va adabiyoti o‘qitish metodikasi kafedrasi dotsenti.
2009-2016 – yillar Samarqand Davlat universitetining devonxonasi mudiri (o‘rindoshlik asosida).
2015-2017 – yillar Samarqand Davlat universitetining o‘zbek tili va adabiyoti kafedrasi, o‘zbek tili va adabiyoti o‘qitish metodikasi kafedrasi dotsenti.
2017- yildan Samarqand Davlat universiteti Ilmiy kengashi kotibi.

Universitet ilmiy kengashi

Universitet Ilmiy kengashi O’zbekiston Respublikasining “Ta’lim to’g’risida” va “Kadrlar tayyorlash milliy dasturi to’g’risida”gi Qonunlari hamda Oliy va o’rta maxsus ta’lim vazirligining 2011 yil 3 dekabrdagn 487-sonli buyrug’i bilan tasdiqlangan “Oliy o’quv yurtining Ilmiy kengashi to’g’risidagi namunaviy nizom”ga muvofiq tayyorlangan nizom asosida tashkil etiladi.

Ilmiy kengash tarkibiga universitet rektori, prorektorlar, Ilmiy kengash kotibi, fakultetlar dekanlari, universitet tarkibiga kiruvchi mustaqil tashkilot va tarmoqlar rahbarlari, mutaxassis chiqaruvchi ayrim kafedralar mudirlari, harbiy kafedra boshlig’i, universitetning ayrim bo’lim boshliqlari, jamoat tashkilotlari rahbarlari, malaka oshirish va qayta tayyorlash markazi boshlig’i, universitet qoshidagi akademik lisey direktori o’z xizmat lavozimlari bo’yicha kiritiladi. Bundan tashqari, Ilmiy kengashning boshqa a’zolari fakultetlarning umumiy majlislarida yashirin ovoz berish yo’li bilan saylanadilar. Universitet Ilmiy kengashining vakolat muddati 5 yil. Ilmiy kengashning maqsadi universitet jamoasining intellektual salohiyati, ilmiy, pedagogik va boshqa imkoniyatlarini O’zbekiston Respublikasining “Ta’lim to’g’risida”gi qonuni va “Kadrlar tayyorlash milliy dasturi”da belgilangan vazifalarning bajarilishini ta’minlash, oliy ta’limning davlat ta’lim standarti talablari darajasida mukammal bilim, malaka, ko’nikmalarga ega bo’lgan professional mutaxassislar tayyorlashga yo’naltirishdan iborat. Ilmiy kengash majlislari reja asosida o’tkaziladi va bayonnoma bilan rasmiylashtiriladi. Bayonnomalar Ilmiy kengash raisi va ilmiy kotib tomonidan imzolanadi. Ilmiy kengash qarorlari universitet rektori tomonidan tasdiqlanganidan so’ng kuchga kiradi.

Samarqand Davlat universiteti kengashi tarkibi