Самарқанд вилояти ҳокими олимпиадасида
Каттақўрғон туманидаги 17-умумтаълим мактабининг икки нафар ўқувчиси фахрли 2-3 ўринларни эгаллади…
Самарқанд давлат университетида Ёшлар фестивали доирасида Самарқанд вилояти ҳокими олимпиадаси ўтказилди.
Бу йил иккинчи марта ташкил этилган, мазкур нуфузли танловда Каттақўрғон туманидаги умумтаълим мактабларидан 6 нафар ўқувчи ғолибликни қўлга киритди.
Каттақўрғон туманидаги 17-мактабнинг ўнинчи синф ўқувчилари Зуҳра Саидаҳмадова она тили адабиёт фанидан 3-ўринни, Дилшод Ёрқулов география фанидан 2-ўринни қўлга киритди.
Ғолиб ўқувчиларга Самарқанд вилояти ҳокимининг эсдалик совғалари ва дипломлари топширилди.
-Самарқанд вилояти ҳокими Эркинжон Турдимов ташаббуси билан ўтказилган ушбу олимпиаданинг йилдан-йилга нуфузи ортиб бормоқда,-дейди Каттақўрғон туманидаги 17-умумтаълим мактаби директори, Халқ таълими аълочиси Ҳақиқат Ҳамроева. - Ўқувчиларимиз вилоят ҳокими олимпиадасида қатнашиб, ўрин олишни ўзларига шараф, деб ҳисоблайди. Ота-оналаримизнинг қувончи ҳам чексиз. Шу ўринда Самарқанд давлат университети ректори, профессор Рустам Холмуродовга ва университет профессор-ўқитувчиларига ҳам миннатдорлик билдирмоқчиман. Олимпиада жуда яхши ташкил этилган. Энг муҳими шаффоф ўтди…
Самарқанд давлат университети
Ахборот хизмати.
Шавкат Акрамов олган сурат.