Самарқанд давлат университети ўқув ишлари бўйича проректори Рустам Йўлдошев кимё, инсон ресурсларини бошқариш, филология, география ва экология факультети талабалари очиқ мулоқот ўтказди.

    Биринчи ва иккинчи курс талабалари иштирок этган тадбирда ўқув жараёнлари, кредит модул тизими, чет тилини ўрганиш ва мустақил таълимнинг афзалликлари бўйича сўз юритилди. Шунингдек, таълим тизимида олиб борилаётган ислоҳотларнинг моҳияти тушунтирилди.

    Рустам Йўлдошев чет тилини ўрганиш бугун кун тартибига чиққанлиги, хорижий тилларни ўрганиш жаҳонга чиқиш калити эканлигини алоҳида эътироф этди.

    Шунингдек, чет тилини ўрганиш бўйича Самарқанд давлат университетида яратилган шароитлар ҳақида тўхталди.

    Учрашув давомида талабалар юқоридаги мавзулар юзасидан ўзларининг қизиқтирган саволларига жавоб олишди.       

Самарқанд давлат университети

Ахборот хизмати.