СамДУ Агробиотехнологиялар ва озиқ-овқат хавфсизлиги институти директори, доцент Тошпўлат Ражабов Венгриянинг Сзегед университетига ташриф буюрди. Учрашувда ушбу университетнинг қишлоқ хўжалик факультети декани Др. Мико Эдит ва профессор-ўқитувчилар билан аграр таълим соҳасида икки университет ўртасидаги ҳамкорлик имкониятлари муҳокама қилинди.

    Музокаралар давомида Сзегед университети профессорлари Др. Ференс Лантос ва Др. Сзарвас Адриенн СамДУ Агробиотехнологиялар ва озиқ-овқат хавфсизлиги институтнинг ўқув, илмий-тадқиқот ва халқаро ҳамкорлик соҳаларини янада ривожлантириш, аграр таълим соҳасидаги янги ютуқларни жорий қилиш мақсадида институтда фаолият олиб боришга ва икки университет ўртасидаги ҳамкорликни янада кучайтиришга розилик билдирдилар.

    Шунингдек, Венгриянинг Стипендиум Ҳунгарисум халқаро дастури доирасида СамДУ талабаларининг Сзегед университетида таҳсил олишлари учун ҳамкорлик қилиш ва талабаларни ушбу дастурга тайёрлаш бўйича келишиб олинди.

    Ташриф давомида факультетнинг ўқув ва илмий лабораториялари билан танишилди…

Самарқанд давлат университети

Ахборот хизмати