Самарқанд давлат университети
    инглиз тили кафедраси мудири, 
    профессор Равиндер Гаргешга!
    Сизни бугунги таваллуд кунингиз билан Самарқанд давлат университети жамоаси номидан самимий муборакбод этаман. Узоқ умр, сиҳат-саломатлик, педагогик фаолиятингизга улкан муваффақият ва зафарлар тилайман. 
    Сиз 2019 йилдан буён Самарқанд давлат университети инглиз тили кафедрасида иш юритиб келмоқдасиз. Сизнинг ташаббусингиз Самарқанд давлат университетида, хорижий тилларни ўқитишда бутунлай янги педагогик технологиялар қўлланмоқда. Бу ўзининг ижобий натижаларини бераётганлигини алоҳида эътироф этмоқчиман. 
    Ўзбекистон-Ҳиндистон дўстлик алоқаларини янада мустаҳкамлаш, Самарқанд давлат университетининг Ҳиндистон ОТМ лари билан ҳамкорлигини ривожлантиришда ҳам хизматларингиз беқиёс. 
    Осиё инглиз тили ўқитувчилари ассоциацияси президенти сифатида олиб бораётган фаолиятингиз, минтақа бўйича хорижий тил ўқитувчилари ўртасида инглиз тилини ўқитишнинг самарали методларини таълим тизимига жорий этиш бўйича  саъй-ҳаракатларингиз таҳсинга сазовор. 
    Сизни таваллуд айёмингиз билан яна бир бор табриклаб, мустаҳкам соғлик, ишларингизга муваффақият ва улкан зафарлар тилайман!

Рустам ХОЛМУРОДОВ,
Самарқанд давлат университети ректори, 
Ўзбекистон Республикаси фан арбоби, 
Олий Мажлис Сенати аъзоси.