Samarqand davlat universiteti
    ingliz tili kafedrasi mudiri, 
    professor Ravinder Gargeshga!
    Sizni bugungi tavallud kuningiz bilan Samarqand davlat universiteti jamoasi nomidan samimiy muborakbod etaman. Uzoq umr, sihat-salomatlik, pedagogik faoliyatingizga ulkan muvaffaqiyat va zafarlar tilayman. 
    Siz 2019-yildan buyon Samarqand davlat universiteti ingliz tili kafedrasida ish yuritib kelmoqdasiz. Sizning tashabbusingiz Samarqand davlat universitetida, xorijiy tillarni o‘qitishda butunlay yangi pedagogik texnologiyalar qo‘llanmoqda. Bu o‘zining ijobiy natijalarini berayotganligini alohida e’tirof etmoqchiman. 
    O‘zbekiston-Hindiston do‘stlik aloqalarini yanada mustahkamlash, Samarqand davlat universitetining Hindiston OTM lari bilan hamkorligini rivojlantirishda ham xizmatlaringiz beqiyos. 
    Osiyo ingliz tili o‘qituvchilari assosiasiyasi prezidenti sifatida olib borayotgan faoliyatingiz, mintaqa bo‘yicha xorijiy til o‘qituvchilari o‘rtasida ingliz tilini o‘qitishning samarali metodlarini ta’lim tizimiga joriy etish bo‘yicha  sa’y-harakatlaringiz tahsinga sazovor. 
    Sizni tavallud ayyomingiz bilan yana bir bor tabriklab, mustahkam sog‘lik, ishlaringizga muvaffaqiyat va ulkan zafarlar tilayman!

Rustam XOLMURODOV,
Samarqand davlat universiteti rektori, 
O‘zbekiston Respublikasi fan arbobi, 
Oliy Majlis Senati a’zosi.