Тадбирда СамДУ ўқув ишлари бўйича проректор Рустам Йўлдошев, ўқув-услубий бошқарма бошлиғи Шахриддин Муранов, хотин-қизлар масалалари бўйича маслаҳат кенгаши раиси Шарофат Тўхлиева, факультет декани Аминжон Айматовлар иштирок этди. 

    Учрашувда таълим тизимидаги ўзгаришлар, имтиҳон жараёнлари, HEMIS тизимининг афзалликлари, чет тилини ўрганиш моҳияти, талабалар учун яратилган имкониятлар, ёшлар психологияси бўйича сўз юритилди.

    Шунингдек, ота-оналар фарзандларининг ўқиши учун университет билан ҳамкорлик қилиши томонлар учун манфаатли эканлиги алоҳида таъкидланди…       

    - Фарзандига бефарқ бўлмаган ота-она сифатида ўғлимнинг ўқиши билан доим қизиқиб тураман, - дейди Баҳриддин Раҳматов. – Ўқитувчилари билан тез-тез гаплашиб, ўқишидан бохабар бўлиб тураман. Самарқанд давлат университети фаолиятини доим кузатаман. Бу ерда ўқишнинг ўзи бир бахт. Университетдаги қурилишларни, талабаларининг ютуқларини кўриб одамнинг ҳаваси келади. Фарзандимни ушбу даргоҳда ўқиши билан фахрланаман. Бугун йиғилишда яхши бир хушхабарни эшитдим. Талабалар учун университет қошида чет тилини ўрганиш учун интенсив дарслар ташкил қилинган. Бу болаларимиз учун яна бир қўшимча имкониятдир…

Самарқанд давлат университети

Ахборот хизмати.