Tadbirda SamDU o’quv ishlari bo’yicha prorektor Rustam Yo’ldoshev, o’quv-uslubiy boshqarma boshlig’i Shaxriddin Muranov, xotin-qizlar masalalari bo’yicha maslahat kengashi raisi Sharofat To‘xliyeva, fakultet dekani Aminjon Aymatovlar ishtirok etdi. 

    Uchrashuvda ta’lim tizimidagi o’zgarishlar, imtihon jarayonlari, HEMIS tizimining afzalliklari, chet tilini o’rganish mohiyati, talabalar uchun yaratilgan imkoniyatlar, yoshlar psixologiyasi bo’yicha so’z yuritildi.

    Shuningdek, ota-onalar farzandlarining o’qishi uchun universitet bilan hamkorlik qilishi tomonlar uchun manfaatli ekanligi alohida ta’kidlandi…       

    - Farzandiga befarq bo’lmagan ota-ona sifatida o’g’limning o’qishi bilan doim qiziqib turaman, - deydi Bahriddin Rahmatov. – O’qituvchilari bilan tez-tez gaplashib, o’qishidan boxabar bo’lib turaman. Samarqand davlat universiteti faoliyatini doim kuzataman. Bu yerda o’qishning o’zi bir baxt. Universitetdagi qurilishlarni, talabalarining yutuqlarini ko’rib odamning havasi keladi. Farzandimning ushbu dargohda o’qishi bilan faxrlanaman. Bugun yig’ilishda yaxshi bir xushxabarni eshitdim. Talabalar uchun universitet qoshida chet tilini o’rganish uchun intensiv darslar tashkil qilingan. Bu bolalarimiz uchun yana bir qo’shimcha imkoniyatdir…

Samarqand davlat universiteti

Axborot xizmati.