Samarqand davlat universiteti talaba-yoshlari oʻrtasida “Men giyohvandlikka qarshiman!” shiori ostida ijodiy ishlar tanlovining universitet bosqichi oʻtkaziladi: 
1-bosqich - adabiyot yoʻnalishi. Bunda talabalarning mavzuga doir (o‘zbek tilida) yozilgan sheʼr, hikoya, esse, dramatik asar va insholari koʻrib chiqiladi; 
2-bosqich - tasviriy sanʼat yoʻnalishi. Bunda talabalar tomonidan tayyorlangan mavzuga doir plakatlar, rasmlar, grafik ishlanmalar, akvarel va boshqa tasviriy san’at turlari bo‘yicha ijodiy ishlar koʻrib chiqiladi.
3-bosqich - amaliy sanʼat yoʻnalishi. Bunda talabalar tomonidan tayyorlangan mavzuga doir naqqoshlik, o‘ymakorlik, qoʻlda ishlangan buyumlar va boshqa amaliy sanʼat turlari bo‘yicha ijodiy ishlar koʻrib chiqiladi. 
4-bosqich - foto yoʻnalishi. Bunda talabalar tomonidan tayyorlangan mavzuga doir foto hikoyalar (fotohikoyada suratlar soni 10 tadan oshmasligi lozim) koʻrib chiqiladi. 


Ijodiy ishlar 2025-yil 8-aprel kuniga qadar tashkiliy ishchi guruhga taqdim etilishi shart:

- adabiyot yoʻnalishi bo‘yicha ijodiy ishlar tashkiliy ishchi guruh a’zosi, filologiya fakulteti yoshlar bilan ishlash boʻyicha dekan oʻrinbosari Mirjalol Bobotoyev(+998 93 333 38 35)ga;
- tasviriy sanʼat va amaliy sanʼat yoʻnalishlari bo‘yicha ijodiy ishlar tashkiliy ishchi guruh a’zosi, san’atshunoslik kafedrasi mudiri, dotsent NiginaMullajonova(+998 90 197 11 79)ga;
- foto yoʻnalishi bo‘yicha ijodiy ishlar tashkiliy ishchi guruh a’zosi, universitet fotomuhbiri Shavkat Akramov(+998 94 639 07 51)ga taqdim etilishi kerak.