Самарқанд давлат университетига Халқаро рус тили ўқитувчилари уюшмаси (МАПРЯЛ) бош котиби Наталя Брунова ва девонхона директори Александр Коротйшев ташриф буюрди. Меҳмонларни СамДУ халқаро ҳамкорлик бўйича проректор Акмал Ахатов қабул қилди.

    Ташрифдан асосий мақсад Самарқанд давлат университети билан халқаро ҳамкорлик алоқаларини йўлга қўйиш ва рус тили таълим сифатини яхшилашдир.

    - Халқаро рус тили ўқитувчилари уюшмаси,  нодавлат жамоат бирлашмаси сифатида рус тили ва адабиётини оммалаштириш, сақлаш ва ўрганиш билан шуғулланади. Бу ташкилот 1967 йилда Парижда ташкил этилган, - дейди Александр Коротйшев. - Дунёнинг 70 мамлакатидан 200 дан ортиқ етакчи филологлар, рус тилшунослари, адабиётшунослар, маданиятшунослар ушбу ташкилотга аъзо. Ҳозирги кунда уюшманинг таъсисчилари Москва давлат университети, Санкт-Петербург давлат университети, Россия халқлар дўстлиги университети ва А.С. Пушкин номидаги рус тили давлат институтларидир.   2019 йилдан бери уюшманинг раиси Владимир Илич Толстой. Бош қароргоҳи Санкт-Петербургда жойлашган. Халқаро рус тили ўқитувчилари уюшмаси мунтазам равишда форумлар, конференциялар, семинарлар, танловлар, олимпиада, фестиваллар, шунингдек, лингвистик тадқиқотларни амалга ошириб келмоқда. Ассотсациянинг асосий ҳамкорлари Россия Ташқи ишлар, Таълим ва фан вазирликлари, Россия таълим академияси, «Газпром» ОАЖ, “Русский мир” жамғармалари ҳисобланади. Самарқанд давлат университети билан ҳамкорлик алоқаларини йўлга қўйишни мақсад қилганмиз. Яъни ташкилотимизнинг грант, лойиҳа, илмий тадқиқотларимизда иштирок этишни таклиф қилдик. Қолаверса, Россиядаги олий таълимларда таҳсил олмоқчи бўлган абитуриентлар учун рус тилини ўргатишга кўмаклашамиз…

Самарқанд давлат университети 
Ахборот хизмати.
Шавкат Акрамов олган суратлар.