Самарқанд давлат университети халқаро ҳамкорлик бўйича проректори, профессор Акмал Ахатов Белоруссия миллий техника университети (БМТУ) га ташриф буюриб, университетнинг ўқув ишлари бўйича проректори Юрий Николайчик ҳамда университетнинг Политехника институти директори Виктор Трепачко билан учрашди. Учрашув натижаларига кўра Белоруссия грантлари маблағлари ҳисобидан физика, ахборот технологиялари, иқтисодиёт соҳаларида СамДУ профессор ўқитувчиларини илмий стажировка мақсадида БМТУ га юбориш, БМТУ профессор-ўқитувчилари ва тадқиқотчиларини қисқа муддатли стажировка ва тажриба алмашиш учун СамДУ га юбориш, бакалавриат ва магистратура босқичларида академик алмашинувни амалга ошириш бўйича келишувларга эришилди.

    Шунингдек, альтернатив энергия манбалари, тиббиёт соҳасида асбобсозлик, муҳандислик физикаси каби йўналишларда ҳамкорликда илмий лабораториялар ташкил қилиш, янги илмий нашрлар чоп этиш бўйича бир қатор амалий таклифлар илгари сурилди.

Самарқанд давлат университети
Ахборот хизмати