Икки ойлик стажировка давомида ўсимликлар ва изотоплар экологияси бўйича илмий изланишлар олиб борди. Ушбу тадқиқотлар бўйича Исроилнинг ноёб чўл, адир ва тоғ экотизимларида экспедициялар уюштирилди. Шунингдек, ушбу университетнинг дарахтлар лабораторияси мудири, профессор Тамир Клеин билан бирга Ўрта ер денгизи флораси бўйича тажриба ўтказди.

    Тадқиқот давомида юлғун ўсимликларининг (Tamarix negevensis, Tamarix nilotica, Tamarix aphylla)   намуналари йиғилиб, унинг қурғоқчиликка, тузга чидамлилик хусусиятларини ўрганиш мақсадида Германиянинг Триер университети Геоботаника лабораториясига юборилди.

    - Илмий грант асосида Вайсман илм-фан институтида икки ойлик стажировка ўташ учун Исроилга давлатида бўлдим, - дейди СамДУ ботаника кафедраси ўқитувчиси Акбар Аҳмедов. – Бу ердаги муҳит менга жуда ёқди. Икки ойлик тадқиқот давомида самарали натижаларга эришдим. Қолаверса, Вайсман илм-фан институтининг ўсимликлар экологияси факультетида икки ой Ўрта Осиё минтақаларидаги бозулбанг ўсимлиги бўйича  семинар дарсларини олиб бордим. Ҳамкасбларимиз билан доимий фикр алмашиб, истиқболдаги режаларни белгилаб олдик. Шунингдек, тадқиқотлар натижаси бўйича илмий мақола тайёрланмоқда  ...

Беҳруз Шамсиддинов

Самарқанд давлат университети

Ахборот хизмати ходими.