Самарқанд давлат университети халқаро ҳамкорлик бошқармаси бошлиғи Мухтор Носиров ва СамДУ Агробиотехнологиялар ва озиқ-овқат хавфсизлиги институти директори, доцент Тошпўлат Ражабовлар аграр соҳага оид хориж тажрибасини ўрганиш ва келишувларга эришиш  мақсадида Италияда бўлиб турибди.
    Олимлар Италиянинг Болония университети ва Самарқанд давлат университети ҳамкорлик алоқаларини янги босқичга кўтариш мақсадида бир қатор музокаралар қилмоқда…
    Жумладан, Самарқанд давлат университети Агробиотехнологиялар ва озиқ-овқат хавфсизлиги институти талабалари Болонья университетининг  Аниқ координатали ва барқарор қишлоқ хўжалиги (Precise and Sustainable Agriculture) ҳамда Боғдорчилик илмлари (Horticulture Sciences) магистратура мутахассисликлари бўйича таҳсил олиш имкониятига эга бўлдилар.

    Бу борада  олимлар Болонья университетининг Халқаро алоқалар бўлими билан музокаралар олиб бориб, дастурни йўлга қўйишнинг талаблари ва шарт-шароитлари билан яқиндан танишдилар.

    Шунингдек, юқоридаги халқаро дастурлар бўйича экспертлар  Слаудио Ратти ва Луса Дондинилар билан ҳам алоҳида музокаралар олиб борилди. 
Экспертлар ушбу замонавий аграр таълим йўналишларида ҳамкорликда кадрлар тайёрлаш учун икки университетда ҳам етарлича имконият ва қизиқиш мавжуд эканлигини алоҳида эътироф этди.  
    Музокаралар давомида юқоридаги магистратура мутахассисликлари бўйича  ҳамкорликда кадрлар тайёрлаш учун махсус келишув имзоланиши кутилмоқда. Бу ҳақида батафсил маълумот берамиз…

Самарқанд давлат университети
Ахборот хизмати.