Самарқанд давлат университетига Германиянинг Бамберг университети Шарқшунослик институти директори, профессор Кристоф Вернер бошчилигидаги делегация ташриф буюрди. 

Меҳмонлар билан Самарқанд давлат университети халқаро ҳамкорлик бўйича проректори Акмал Ахатов учрашди.

Учрашувда ҳамкорликда янги лойиҳаларни ишга тушириш, университет қўлёзмалар фонди доирасида илмий ишлар олиб боришга келишилди. Профессор-ўқитувчи ва талабалар алмашинувини йўлга қўйиш, ёзги мактаблар, халқаро конференциялар ташкил қилиш, стажировкага юбориш ва ўқув материалларини тайёрлаш масалалари муҳокама қилинди.

Маълумот учун, Самарқанд давлат университети Германиянинг Бамберг университети билан 1993 йилда ҳамкорлик алоқаларини ўрнатган. Бугунги кунга қадар университетнинг 10 дан ортиқ профессор-ўқитувчилари мазкур университетда стажировка ўтаган. 

Самарқанд давлат университети

Ахборот хизмати.