Самарқанд давлат университетида Ўзбекистон Республикаси Президенти стипендияси соҳиби Дониёрбек Қурбонов ва Навоий номли давлат стипендияси совриндори Шоҳбоз Бўроновларни тақдирлаш маросими бўлиб ўтди.

    Истеъдодли ёшларни Самарқанд давлат университети проректорлари Аҳмаджон Солиев, Ҳаким Хушвақтов, Акмал Ахатовлар табриклади.

    Аҳмаджон Солиев, Самарқанд давлат университети ўқув ишлари бўйича биринчи проректори:

    - Сизлар университетимизнинг фахр-ифтихорисиз. Минглаб ёшларнинг орасидан саралаб олинган, Ватаннинг эртанги кун умидларисиз. Сизга ҳавас қиладиганлар сони яна-да ортишига ишонаман. Аслида талаба учун мазкур стипендиялар энг олий мукофот, эътироф ҳисобланади. Сиз бундан-да фаол, фидойи бўлишингиз керак. Ҳаёт аслида курашдан, интилишдан, изланишдан, ҳаракатдан иборат. Илм-фаннинг энг юқори чўққиларини забт этишингизга ишонаман. Сизларнинг орангиздан келгусида дунё тан олган алломалар, фан ва жамоат арбоблари етишиб чиқиши ишонаман. Самарқанд давлат университетининг шон-шуҳрати учун бутун куч ғайратингизни сафарбар этинг. Йўлингиз ёруғ, иқболингиз порлоқ бўлсин...