Samarqand davlat universiteti arxeologiya kafedrasi
Samarqand davlat universiteti arxeologiya kafedrasi mudiri
Ergashev Odil Tursunovich
+99897 9218579 odil.arxeolog@mail.ru
Tarix fanlari bo‘yicha falsafa doktori (PhD). 2006-yildan beri Samarqand davlat universiteti arxeologiya kafedrasida katta o‘qituvchi, dotsent lavozimlarida ishlab kelmoqda. 2022-yildan e’tiboran Samarqand davlat universiteti arxeologiya kafedrasi mudiri sifatida faoliyat yuritmoqda.
Odil Ergashev 2017-yilda “Ko‘kayoz botig‘ining toshga ishlov berish ustaxonalari (texnik-tipologik tadqiqot)” mavzusida tarix fanlari bo‘yicha falsafa doktori dissertatsiyasini muvaffaqiyatli himoya qilgan. Faoliyati davomida 1 monografiya, 1 ilmiy risola, 2 darslik va 3 o‘quv qo‘llanmalar muallifi. Odil Ergashev 40 dan ortiq ilmiy maqolalar muallifi bo‘lib, Scopus, Web of Science va boshqa nufuzli xalqaro jurnallarda 5 dan ortiq maqolalari e’lon qilgan.
https://www.sciencedirect.com/science/article/pii/S2352226722000034
Аrxeologiya kafedrasi a’zolari
 |
Xolmatov Normuhammad O‘rozovich Tarix fanlari doktori, professor. SamDU arxeologiya kafedrasida 1983-yildan buyon faoliyat yuritib keladi. 1991-yilda “O‘rta va quyi Zarafshon neoliti” mavzucida nomzodlik dissertatsiyasini, 2018-yilda “Sazog‘on madaniyati va uning O‘zbekiston neolit davrida tutgan o‘rni” mavzusida doktorlik dissertatsiyasini muvaffaqiyatli himoya qilgan. Normuhammad Xolmatov faoliyati davomida 5 ta monografiya, 1 ta darslik, 9 ta o‘quv, uslubiy qo‘llanmalar nashr ettirgan. Shuningdek, olim bugungi kunga qadar 3 ta Scopus va Web of Science bazasiga kiruvchi jurnallarda maqolalar e’lon qilgan. |
|
|
Avanesova Nona Armaisovna Samarqand davlat universiteti arxeologiya kafedrasi professori. SamDU arxeologiya kafedrasida 1967-yildan buyon faoliyat yuritib kelmoqda. Nona Avanesova qariyb 25 yil davomida universitet arxeologiya ekspeditsiyasining Surxondaryo otryadiga rahbarlik qilib keldi. U butun ilmiy faoliyatini Markaziy Osiyo va O‘zbekiston bronza davrini o‘rganishga bag‘ishladi. Nona Avanesova 1 xalqaro va respublika jurnallarida tahririyat a’zosi. Faoliyati davomida 1 darslik, 5 o‘quv qo‘llanma, 4 monografiya, 6 risola, 100 dan ortiq ilmiy maqolalar nashr ettirgan. Ularning aksariyati xorijdagi yetakchi ilmiy nashrlarda e’lon qilindi. |
 |
Abriyev Ro‘ziqul Buronovich
Tarix fanlari bo‘yicha falsafa doktori. SamDU arxeologiya kafedrasida 2001-yildan buyon faoliyat yuritib kelmoqda. 2018-yilda “Mustaqillik yillarida O‘zbekistonda tarixiy me’moriy obidalarni ta’mirlash va qayta tiklash tarixi (Zarafshon vohasi misolida)” mavzusida tarix fanlari bo‘yicha falsafa doktori dissertatsiyasini muvaffaqiyatli himoya qilgan. Ro‘ziqul Abriyev faoliyati davomida 1 monografiya, 2 o‘quv qo‘llanmalar muallifi. 50 ga yaqin maqolalari xorijiy ilmiy jurnallar va respublika nashrlarida e’lon qilingan. |
 |
Aslanov Abduvali Po‘latovich
Tarix fanlari bo‘yicha falsafa doktori. SamDU arxeologiya kafedrasida 2012-yildan buyon faoliyat yuritib kelmoqda. 2022-yilda “Markaziy Sug‘dning o‘rta asrlar davri tarixiy topografiyasi” mavzusida tarix fanlari bo‘yicha falsafa doktori dissertatsiyasini muvaffaqiyatli himoya qilgan. Abduvali Aslanov faoliyati davomida 2 o‘quv, uslubiy qo‘llanmalar muallifi. Shuningdek, bugungi kunga qadar 30 dan ortiq ilmiy maqolalari xorijiy va mahalliy jurnallarda e’lon qilingan. |
 |
Sandiboyev Alisher Nazarbekovich
Tarix fanlari bo‘yicha falsafa doktori (PhD). SamDU arxeologiya kafedrasida 2013-yildan buyon faoliyat yuritib kelmoqda. 2020-yilda “Maymurg‘ ilk o‘rta asrlarda (arxeologik va yozma manbalar asosida)” tarix fanlari bo‘yicha falsafa doktori dissertatsiyasini himoya qilgan. Alisher Sandiboyev 1 monografiya, 40 dan ortiq ilmiy maqolalar muallifi. |
 |
Berdiqulov Mirolim Tugalvoyevich
Tarix fanlari bo‘yicha falsafa doktori (PhD). SamDU arxeologiya kafedrasida 2014-yildan buyon faoliyat yuritib keladi. 2022-yilda “To‘da-1 neolit makoni (texnik-tipologik tadqiqot)” tarix fanlari bo‘yicha falsafa doktori dissertatsiyasini himoya qilgan. Mirolim Berdiqulov 20 dan ortiq ilmiy maqolalar muallifi. |
 |
Umarov Ulug‘bek Abdujabborovich
SamDU arxeologiya kafedrasi assistenti. Mazkur kafedrada 2011-yildan buyon faoliyat yuritib kelmoqda. “O‘rta Osiyoda tosh davri zeb-u ziynat taqinchoqlarining jamoalar ma’naviy mafkuraviy hayotida tutgan o‘rni” mavzusi bo‘yicha ilmiy izlanish olib bormoqda. Ulug‘bek Umarov faoliyati davomida 1 xorijiy va 15 respublika jurnallarida ilmiy maqolalar e’lon qilgan. |
 |
Karimov Rufat Uktamovich
Kafedra assistenti. SamDU arxeologiya kafedrasida 2020-yildan buyon faoliyat yuritib kelmoqda. “Zarafshon vohasining janubi-g‘arbiy hududlari tosh davri yodgorliklari yangi tadqiqotlarda” mavzusida bo‘yicha ilmiy izlanish olib bormoqda. Rufat Karimov faoliyati davomida 5 xorijiy va 8 respublika jurnallarida ilmiy maqolalar e’lon qilgan. |
 |
Baxronov Abdullo Haydar o‘g‘li
Kafedra assistenti. SamDU arxeologiya kafedrasida 2019-yildan buyon faoliyat yuritib kelmoqda. “Zarafshon vohasi tosh davri yodgorliklarida toshga ishlov berish texnikasining o‘ziga xos xususiyatlari” mavzusi bo‘yicha ilmiy izlanishlar olib bormoqda. Abdullo Baxronov faoliyati davomida 4 xorijiy va 7 respublika jurnallarida ilmiy maqolalar va tezislar e’lon qilgan. |
 |
O‘ng‘alov Lazizbek Amiriddin o‘g‘li
Kafedra assistenti. SamDU arxeologiya kafedrasida 2018-yildan buyon faoliyat yuritib keladi. “Nurota vohasi tosh davri yodgorliklari yangi tadqiqotlarda” mavzusi bo‘yicha ilmiy izlanishlar olib bormoqda. Lazizbek O‘ng‘alov faoliyati davomida 6 xorijiy va 6 respublika jurnallarida ilmiy maqolalar va tezislar e’lon qilgan. |
 |
Arxeologiya kafedrasi haqida Samarqand davlat universiteti arxeologiya kafedrasi 1971-yil dekabrda O‘zbekiston Respublikasi Oliy va O‘rta maxsus ta’lim vazirligining 448-farmoni bilan Afrosiyob shaharchasini tarixiy-arxeologik jihatdan o‘rganuvchi muammoviy laboratoriya asosida tashkil qilingan. Hozirda kafedrada 18 nafar professor-o‘qituvchi faoliyat ko‘rsatib kelmoqda. Kafedra 1944-yildan boshlab respublikamiz hududida arxeologik, etnografik tadqiqotlar olib boruvchi ilmiy markazlardan hisoblanadi. Kafedra dala kuzatuv tadqiqotlar, yodgorliklarni qazib o‘rganish, etnografik hamda qadimgi tarixga doir yozma manbalarni to‘plash va tadqiq qilish ishlarini bajaradi. Kafedra “O‘zbekiston hududidagi ilk sivilizatsiyalar: moddiy va ma’naviy madaniyat” bosh mavzusining “O‘zbekiston hududidagi ibtidoiy va qadimgi davr jamoalari madaniyatining kelib chiqishi tarixiy ildizlari va madaniy aloqalari” bo‘limi ustida ilmiy tadqiqot ishlarini amalga oshiradi. Kafedra bir necha yillar davomida xorij va MDH mamlakatlarining yetakchi ilmiy markazlari bilan aloqa o‘rnatib keladi. Germaniya Arxeologiya instituti Yevroosiyo bo‘limi, Polshaning Lyublin universiteti, Turkiyaning Anqara universiteti, Moskva, Sankt-Peterburg, Kiyev, Markaziy Osiyo Respublikalari oliy o‘quv yurtlari O‘zFA, Milliy arxeologiya markazi va Tarix instituti kabi tadqiqot muassasalari bilan ilmiy hamkorlik yo‘lga qo‘yilib, anjumanlarda qatnashadi, fikr almashish va ilmiy maslahatlar amalga oshiriladi. |
 |
Professor-o‘qituvchilar tomonidan 300 dan ortiq monografiya, darslik o‘quv va uslubiy qo‘llanmalar, o‘quv-uslubiy hamda elektron darsliklar tayorlangan. Kafedra qoshida arxeologiya muzeyi va laboratoriya faoliyat ko‘rsatadi. Ushbu muzey 1963-yil D.N.Lev tomonidan tarix fakultetining arxeologiya yo‘nalishi bazasida tashkil etilgan. Muzey fondida o‘rta paleolit davridan (er.avv 90-70-ming yillik) milodiy XIII asrgacha bo‘lgan O‘rta Osiyo bo‘yicha tarixiy, ilmiy va badiiy ahamiyatga ega 60 mingdan ziyod qimmatli topilmalar saqlanadi. Kafedrada bugungi kunda “O‘zbekiston hududidagi ilk sivilizatsiyalar: moddiy va ma’naviy madaniyat” mavzusi yuzasidan ilmiy tadqiqot ishlari olib borilmoqda. Kafedradan yetishib chiqqan taniqli olimlar: Professor M.Jo‘raqulov (1932-2020) – “Arxeologiya kafedrasi mudiri va Samarqand arxeologiya maktabining asoschilaridan hisoblanadi. O‘zbekiston xalq ta’limi a’lochisi, “O‘zbekiston respublikasida xizmat ko‘rsatgan yoshlar murabbiysi” faxriy unvonlari sohibi. Professor D.N.Lev (1905-1969) – SamDU arxeologik ekspedisiyasi asoschisi. Professor N.A.Avanesova - O‘zbekiston Respublikasi xalq ta’limi a’lochisi. |
 |
Kafedrada o‘qitiladigan fan dasturlari • Tarixiy xronologiya va metrologiya |
 |
• Yodgorliklarni muhofaza qilish va restavratsiya asoslari • Arxeologiyada GAT texnologiyalari • O‘zbekiston arxeologiyasi va xalqaro ilmiy hamkorlik • Toponimika • Ishlab chiqarish xo‘jaligining paydo bo‘lishi • Arxeologiya faniga muqaddima • O‘rta Osiyo tosh va jez davri arxeologiyasi • O‘rta Osiyo antik va o‘rta asrlar davri arxeologiyasi • Qadimgi va o‘rta asrlarda shaharlar urbanizasiyasi tarixi • Insoniyat ilk jamiyati tarixida innovatsiyalarning ijtimoiy ahamiyati va o‘rni • O‘rta Osiyo hunarmandchiligi tarixi • O‘zbekistonning urbanik tarixi arxeologik manbalar asosida • Tarix fanini o‘qitishda etnografik ma’lumotlardan foydalanish • Madaniy antropologiya • Markaziy Osiyo ornamenti va tasviriy san’ati tarixi |
 |
Magistratura • O‘zbek xalqining etnogenezi va etnik tarixi • Zamonaviy arxeologik tadqiqot usullari va GIS • O‘rta Osiyo shaharlar tarixiy topografiyasi • Dala etnografik tadqiqotlar o‘tkazish usullari • Toponimika (etnotoponimiya va etnonimiya) • Madaniy antropologiya • O‘zbeklarning an’anaviy moddiy madaniyati • Marakaziy Osiyo tog‘-kon metallurgiyasi ishlab chiqarish va tog‘ qoyatosh petrogliflari • O‘rta Osiyo qadimgi jamoalarining iqtisodiy va madaniy aloqalari • O‘rta Osiyo shaharlari tarixiy topografiyasi • Jahon madaniyati tizimida O‘zbekiston arxeologiyasi yutuqlari |
Kafedra hayotidan fotolavhalar
