Самарқанд давлат университети интеллектуал тизимлар ва компьютер технологиялари факультетига академик Мирзоян Комилов, профессорлар Шавкат Фозилов, Тўланиддин Нурмеҳаммедов ҳамда Озод Бобомуродовлар ташриф буюрди.

    Нузули олимлар факультетдаги ИТ марказ фаолияти билан танишди. Хусусан, робототехника, дастурий маҳсулотлар ва стартуплар яратиш, ёш дастурчилар тайёрлаш, компьютер графикаси хизматларини кўрсатиш бўлимларини кўздан кечириб, яратилган шароит ва олиб борилаётган ишларга юқори баҳо берди.

    Ташриф давомида олимлар факультетнинг профессор-ўқитувчи ва тадқиқотчилари билан учрашиб, ҳаёт тажрибаси, эришган муваффақиятлари ҳақида сўз юритди.

    ИТ соҳасидаги ягона академик Мирзоян Комилов СамДУ нафақат Ўзбекистонда балки жаҳон ҳамжамиятида ўз ўрнига эгалигини алоҳида таъкидлаб, университет олимлари билан ҳамкорликка тайёрлигини билдирди.

    Шунингдек, Тошкент давлат транспорт университети профессори Тўланиддин Нурмеҳаммедов олий таълим муассасалари СамДУ ИТ марказидан ўрнак олиши лозимлигини эътироф этди.

Самарқанд давлат университети

Ахборот хизмати,

Шавкат АКРАМОВ олган суратлар.