Samarqand davlat universiteti professori, filologiya fanlari doktori, «Shuhrat» medali sohibi, taniqli tilshunos olim
    S.A. Karimovga!
    Hurmatli Suyun Amirovich! 
    Tug‘ilgan kuningiz bilan tabriklayman. 

    Siz nafaqat Samarqandda, balki butun mamlakat miqyosida yetuk tilshunos olim, ustoz-murabbiy, ona tilimizning jonkuyari, targ‘ibotchisi  sifatida tan olinasiz, e’tirof etilasiz.. 


    Ilmiy va pedagogik faoliyatingiz davomida 12 fan nomzodi, 3 nafar fan doktorlarini tayyorladingiz. Ko‘plab darslik, monografiyalar, o‘quv qo‘llanmalari, risolalaringiz, maqolalaringiz e’lon qilingan.
    Samarqand davlat universitetida Siz rahbarlik qilayotgan Faxriylar Kengashi faoliyati alohida tahsinga sazovor. Mehnat faxriysi, katta hayot tajribasiga ega, yoshlarimizning maslahatgo‘yi, duogo‘yi professor-o‘qituvchilarimiz ahvolidan doimiy  xabardor bo‘lish, ularni moddiy va ma’naviy jihatdan qo‘llab-quvvatlash, jamiyatimiz ijtimoiy-siyosiy, ma’naviy-ma’rifiy hayotida faolligini yanada oshirish borasida olib borayotgan ishlaringiz viloyat, respublika jamoatchiligi tomonidan mamnuniyat bilan qabul qilinmoqda.


    Samarqand davlat universiteti jamoasi Sizga uzoq umr, sihat-salomatlik tilaydi. Alloh umringizga, rizqingizga, kasbingizga baraka bersin. 

 

Rustam XOLMURODOV, 
Samarqand davlat universiteti rektori, 
O‘zbekiston Respublikasi fan arbobi,
Oliy Majlis Senati a’zosi.