Самарқанд давлат университети профессори, филология фанлари  доктори, «Шуҳрат» медали соҳиби, таниқли тилшунос олим

    С.А. Каримовга!

    Ҳурматли Суюн Амирович!

    Туғилган кунингиз билан табриклайман.

    Сиз нафақат Самарқандда, балки бутун мамлакат миқёсида етук тилшунос олим, устоз-мураббий, она тилимизнинг жонкуяри, тарғиботчиси  сифатида тан олинасиз, эътироф этиласиз..

    Илмий ва педагогик фаолиятингиз давомида 12 фан номзоди, 3 нафар фан докторларини тайёрладингиз. Кўплаб дарслик, монографиялар, ўқув қўлланмалари, рисолаларингиз, мақолаларингиз эълон қилинган.

    Самарқанд давлат университетида Сиз раҳбарлик қилаётган Фахрийлар Кенгаши фаолияти алоҳида таҳсинга сазовор. Меҳнат фахрийси, катта ҳаёт тажрибасига эга, ёшларимизнинг маслаҳатгўйи, дуогўйи профессор-ўқитувчиларимиз аҳволидан доимий  хабардор бўлиш, уларни моддий ва маънавий жиҳатдан қўллаб-қувватлаш, жамиятимиз ижтимоий-сиёсий, маънавий-маърифий ҳаётида фаоллигини янада ошириш борасида олиб бораётган ишларингиз вилоят, республика жамоатчилиги томонидан мамнуният билан қабул қилинмоқда.

    Самарқанд давлат университети жамоаси Сизга узоқ умр, сиҳат-саломатлик тилайди. Аллоҳ умрингизга, ризқингизга, касбингизга барака берсин.

 

Рустам ХОЛМУРОДОВ,

Самарқанд давлат университети ректори,

Ўзбекистон Республикаси фан арбоби,

Олий Мажлис Сенати аъзоси.