Самарқанд давлат университети профессори, филология фанлари доктори, ўзбек тили ва адабиёти кафедраси мудири И.К. Мирзаевга!

    Ҳурматли Ибодулло Камолович! 
    Туғилган кунингиз билан табриклайман. 

    Сиз Самарқанд давлат университетида узоқ йиллардан буён самарали фаолият кўрсатиб келмоқдасиз. Сиз ўзбек тили ва адабиёти фани ривожига муносиб ҳисса қўшгансиз. Бу нафақат мамлакатимизда, балки халқаро доираларда ҳам кенг эътироф этилган.
Илмий ва педагогик фаолиятингиз давомида кўплаб шогирдлар тайёрладингиз.  Кўплаб илмий тадқиқотларингиз, монография ва ўқув қўлланмаларингиз нашр этилган. 
    Бош муҳаррирлигингиздаги  "Алишер Навоий", "Тил. Таълим. Таржима." номли халқаро электрон журналлар бутун илм аҳли учун манфаатли бўлиб, ўзининг кўп минг сонли ўқувчилари ва кузатувчиларига эга. Мазкур журналлар Самарқанд давлат университетининг номини бутун дунёга тарғиб этаётганлигини, обрў-эътиборини оширишга хизмат қилаётганлигини алоҳида таъкидлашни истайман. Шунингдек, буюк шарқшунос олим Евгений Бертельснинг Навоий асарини ўзбек тилига таржима қилгансиз.

    Самарқанд давлат университети жамоаси Сизга узоқ умр, сиҳат-саломатлик тилайди. Аллоҳ умрингизга, ризқингизга, касбингизга барака берсин. 

 

Рустам Холмуродов, 
Самарқанд давлат университети ректори, 
Ўзбекистон Республикаси фан арбоби, Олий Мажлис Сенати аъзоси.