Samarqand davlat universiteti professori, filologiya fanlari doktori, o‘zbek tili va adabiyoti kafedrasi mudiri I.K. Mirzayevga!

    Hurmatli Ibodullo Kamolovich! 
    Tug‘ilgan kuningiz bilan tabriklayman. 

    Siz Samarqand davlat universitetida uzoq yillardan buyon samarali faoliyat ko‘rsatib kelmoqdasiz. Siz o‘zbek tili va adabiyoti fani rivojiga munosib hissa qo‘shgansiz. Bu nafaqat mamlakatimizda, balki xalqaro doiralarda ham keng eʼtirof etilgan.
Ilmiy va pedagogik faoliyatingiz davomida ko‘plab shogirdlar tayyorladingiz.  Ko‘plab ilmiy tadqiqotlaringiz, monografiya va o‘quv qo‘llanmalaringiz nashr etilgan. 
    Bosh muharrirligingizdagi  "Alisher Navoiy", "Til. Taʼlim. Tarjima." nomli xalqaro elektron jurnallar butun ilm ahli uchun manfaatli bo‘lib, o‘zining ko‘p ming sonli o‘quvchilari va kuzatuvchilariga ega. Mazkur jurnallar Samarqand davlat universitetining nomini butun dunyoga targ‘ib etayotganligini, obro‘-eʼtiborini oshirishga xizmat qilayotganligini alohida taʼkidlashni istayman. Shuningdek, buyuk sharqshunos olim Yevgeniy Bertelsning Navoiy asarini o‘zbek tiliga tarjima qilgansiz.

    Samarqand davlat universiteti jamoasi Sizga uzoq umr, sihat-salomatlik tilaydi. Alloh umringizga, rizqingizga, kasbingizga baraka bersin. 

 

Rustam Xolmurodov, 
Samarqand davlat universiteti rektori, 
O‘zbekiston Respublikasi fan arbobi, Oliy Majlis Senati aʼzosi.