Самарқанд давлат университети профессори, физика-математика фанлари доктори Р.M. Ибодовга!

    Ҳурматли Рустам Мустафоевич!

    Туғилган кунингиз билан табриклайман.

    Сиз Самарқанд давлат университетида узоқ йиллардан буён самарали фаолият кўрсатиб келмоқдасиз. Самарқанддаги назарий физика мактабига асос солган таниқли олимсиз. Бу нафақат мамлакатимизда, балки халқаро доираларда ҳам кенг эътироф этилган.

    Илмий ва педагогик фаолиятингиз давомида бир қатор шогирдлар тайёрладингиз.  Кўплаб илмий тадқиқотларингиз, монография ва ўқув қўлланмаларингиз нашр этилган.

    Сизнинг ўнга яқин халқаро грант ва фундаментал лойиҳаларингиз физика соҳаси тараққиёти учун хизмат қилиб келмоқда. Айниқса, ўтган йили германиялик ҳамкорлар билан ишлаб чиққан халқаро грантингиз алоҳида таҳсинга сазовордир.

    Самарқанд давлат университети жамоаси Сизга узоқ умр, сиҳат-саломатлик тилайди. Аллоҳ умрингизга, ризқингизга, касбингизга барака берсин.

Рустам Холмуродов,

Самарқанд давлат университети ректори,

Ўзбекистон Республикаси фан арбоби, Олий Мажлис Сенати аъзоси.