2022 йил 29 декабрь куни  Президентимиз Шавкат Мирзиёев  Халқаро конгресс марказида бошланғич синфлар учун ишлаб чиқилган янги авлод дарсликлари тақдимотида иштирок этди.

          Самарқанд давлат университети ректори, Ўзбекистон Республикаси фан арбоби Рустам Холмуродов мазкур йиғилишда мамлакатимиз раҳбари томонидан белгиланган вазифалар юзасидан Ўзбекистон-Финландия педагогика институти профессор-ўқитувчилари билан учрашув ўтказди.

    - Bugungi kunda taʼlim - mamlakat taraqqiyotining eng muhim poydevori hisoblanadi. Taʼlimni  rivojlantirish avvalo,  pedagog-o‘qituvchilar zimmasidadir. Yanada aniqroq qilib aytadigan bo‘lsam, mamlakat taqdiri sizning qo‘lingizda, - deydi Samarqand davlat universiteti rektori,  professor Rustam Xolmurodov. - O‘qitishda  diplom muhim emas, balki sifat va salohiyat bosh maqsad bo‘lishi  darkor. Imtihonlarda, o‘qish va o‘qitish faoliyatimizda xolis va adolatli bo‘lishimiz shart. Men  takror aytaman, muallim talabaga 30 foizgacha bilim beradi, qolgan 70 foizini talaba mustaqil taʼlimda oladi. Talabaning mustaqil taʼlim olishi  uchun ham aslida  pedagog-o‘qituvchi masʼul. Baʼzan kasalni davolash uchun uning jonini og‘ritishga to‘g‘ri keladi. Siz misli shifokorsiz, bilim va taʼlim berib, uning ongini ochasiz, tafakkur olamini yoritasiz. Bu borada qattiqqo‘llik ham talabchanlik ham zarur. Kerak bo‘lsa mahalla, ota-ona bilan ishlang. Ularga ham masʼuliyat yuklang.  Yaxshi o‘qigan talabaning mahallasiga, ota-onasiga tashakkurnoma yuboring, o‘qimagan talabani o‘zlashtirishi uchun harakat qiling. Chunki mamlakat kelajagi uchun barchamiz birdek masʼulmiz. Taʼlim tizimida islohotni avvalo, o‘zimizdan boshlashimiz lozim. Zamon bilan hamnafas bo‘lmagan, o‘z ustida ishlamaydigan   pedagog-o‘qituvchidan voz kechish vaqti allaqachon kelgan… Sifatli taʼlim bugunning eng muhim va dolzarb masalasiga aylandi. Sizlar O‘zbekiston-Finlandiya pedagogika instituti o‘qituvchilarisiz. Hozir-da mamlakat taʼlim tizmini Finlandiya tajribasi asosida qayta qurmoqchimiz. Qachon finlandiyalik mutaxassislar keladi, deb qarab turamizmi? Mutaxassislarni yuborish kerak. U yerdagi bog‘cha, maktab, kollej, institut tajribalarini o‘rgansin. O‘zbekistonga kelib amaliyotga tatbiq qilsin. O‘zbekiston-Finlandiya pedagogika instituti o‘rnak bo‘lishi kerak. Institutni tashkil qilishdan ham asosiy maqsad shu edi. Siz butun mamlakat pedagoglariga o‘rnak bo‘lib, taʼlim madaniyatini shakllantirishingiz zarur. Rivojlangan davlatlarda bakalavr diplomi bilan maktablarda dars berish mumkin emas, bunga yo‘l qo‘yilmaydi. Eng kamida magistr bo‘lishi kerak. Davlatimiz rahbari yangi o‘quv darsliklari taqdimotida qiz farzand va ayollarni o‘qitishga alohida eʼtibor qaratish kerakligini alohida taʼkidladi: Bolalarni kim tarbiya qiladi? Albatta, ayollar. Shuning uchun biz qizlarimizni, onalarimizni o‘qitishimiz kerak. Shunda jamiyatni o‘qitgan bo‘lamiz. Aynan shuni  inobatga olgan holda Urgutda Samarqand davlat universiteti filiali ochilgan edi.  Hozir filialning aksariyatini qiz bolalar tashkil qiladi…

    - Бугунги кунда таълим - мамлакат тараққиётининг энг муҳим пойдевори ҳисобланади. Таълимни  ривожлантириш аввало,  педагог-ўқитувчилар зиммасидадир. Янада аниқроқ қилиб айтадиган бўлсам, мамлакат тақдири сизнинг қўлингизда, - дейди Самарқанд давлат университети ректори,  профессор Рустам Холмуродов. - Ўқитишда  диплом муҳим эмас, балки сифат ва салоҳият бош мақсад бўлиши  даркор. Имтиҳонларда, ўқиш ва ўқитиш фаолиятимизда холис ва адолатли бўлишимиз шарт. Мен  такрор айтаман, муаллим талабага 30 фоизгача билим беради, қолган 70 фоизини талаба мустақил таълимда олади. Талабанинг мустақил таълим олиши  учун ҳам аслида  педагог-ўқитувчи масъул. Баъзан касални даволаш учун унинг жонини оғритишга тўғри келади. Сиз мисли шифокорсиз, билим ва таълим бериб, унинг онгини очасиз, тафаккур оламини ёритасиз. Бу борада қаттиққўллик ҳам талабчанлик ҳам зарур. Керак бўлса маҳалла, ота-она билан ишланг. Уларга ҳам масъулият юкланг.  Яхши ўқиган талабанинг маҳалласига, ота-онасига ташаккурнома юборинг, ўқимаган талабани ўзлаштириши учун ҳаракат қилинг. Чунки мамлакат келажаги учун барчамиз бирдек масъулмиз. Таълим тизимида ислоҳотни аввало, ўзимиздан бошлашимиз лозим. Замон билан ҳамнафас бўлмаган, ўз устида ишламайдиган   педагог-ўқитувчидан воз кечиш вақти аллақачон келган… Сифатли таълим бугуннинг энг муҳим ва долзарб масаласига айланди. Сизлар Ўзбекистон-Финландия педагогика институти ўқитувчиларисиз. Ҳозир-да мамлакат таълим тизмини Финландия тажрибаси асосида қайта қурмоқчимиз. Қачон финландиялик мутахассислар келади, деб қараб турамизми? Мутахассисларни юбориш керак. У ердаги боғча, мактаб, коллеж, институт тажрибаларини ўргансин. Ўзбекистонга келиб амалиётга татбиқ қилсин. Ўзбекистон-Финландия педагогика институти ўрнак бўлиши керак. Институтни ташкил қилишдан ҳам асосий мақсад шу эди.  Сиз бутун мамлакат педагогларига ўрнак бўлиб, таълим маданиятини шакллантиришингиз зарур. Ривожланган давлатларда бакалавр дипломи билан мактабларда дарс бериш мумкин эмас, бунга йўл қўйилмайди. Энг камида магистр бўлиши керак. Давлатимиз раҳбари янги ўқув дарсликлари тақдимотида қиз фарзанд ва аёлларни ўқитишга алоҳида эътибор қаратиш кераклигини алоҳида таъкидлади: Болаларни ким тарбия қилади? Албатта, аёллар. Шунинг учун биз қизларимизни, оналаримизни ўқитишимиз керак. Шунда жамиятни ўқитган бўламиз. Айнан шуни инобатга олган ҳолда Ургутда Самарқанд давлат университети филиали очилган эди.  Ҳозир филиалнинг аксариятини қиз болалар ташкил қилади…

    - Самарқанд давлат университети ректори Рустам Холмуродов учрашувда, бугунги кунда долзарб бўлган таълим-тарбия, педагог маҳорати борасида бизнинг олдимизга қўйилган вазифаларни  аниқ ва равшан тушунтирди, - дейди Ўзбекистон-Финландия педагогика институти ўзбек тили ва адабиёти, ижтимоий-гуманитар фанлар кафедраси катта ўқитувчиси Озода Анорқулова. – Ўқитувчининг обрў-эътибори ошгани сайин унинг зиммасига юкланаётган вазифалар ҳам ортиши табиий ҳол. Эндиликда, самарасиз фаолиятга чек қўйилади. Бу фикрлар бугунги учрашувда ҳам такрорланди. Ҳақиқатдан ҳам инсонда фидойилик, жамиятда кечаётган жараёнларга даҳлдорлик ҳисси бўлмаса, ҳеч бир бажарилган ишдан натижа чиқмайди...

    - 2023 йилнинг “Инсонга эътибор ва сифатли таълим йили” деб эълон қилиниши биз ўқитувчилар учун ҳам шараф ҳам масъулият, - дейди Ўзбекистон-Финландия педагогика институти табиий фанлар кафедраси мудири, доцент Феруза Ҳамроева. -Сабаби, барча эътибор, таълимга, унинг сифатига қаратилмоқда.  Бугун Самарқанд давлат университети ректори Рустам Холмуродов билан учрашувда ҳам шу масалалар юзасидан суҳбатлашдик.  Сифатли кадр тайёрланиши бўйича тавсиялар берилди. Учрашувдан сўнг ўз олдимга бир қатор режаларни тузиб олдим. Педагоглар барчамиз бир мақсад сари бирлашиб ҳаракат қилсак, юксак натижаларга эришамиз…

Беҳруз ШАМСИДДИНОВ

Самарқанд давлат университети

Ахборот хизмати ходими,

Шавкат АКРАМОВ олган суратлар.