Самарқандда “SOF EXPO Самарқанд” кўргазмалар марказида “AGROPRO EXPO 2023” кенг қамровли II халқаро ихтисослаштирилган кўргазмаси ўтказилди.
    Халқаро кўргазмада илм-фан ютуқларига асосланган қишлоқ хўжалик ишланмалари, техникалари ва инновациялари намойиш этилди. Кўргазма доирасида 100 дан ортиқ маҳаллий ва халқаро ташкилотлар ҳамда йирик ишлаб чиқариш компаниялари, олий таълим муассасалари, илмий-тадқиқот институтлари ўз маҳсулотлари билан иштирок этди.
    СамДУ Агробиотехнологиялар ва озиқ-овқат хавфсизлиги институти профессор-ўқитувчи ҳамда талабалари ушбу халқаро кўргазмада фаол иштирок этди.
    Кўргазма давомида институт талабаларининг фаол иштироки, илмга чанқоқлиги ва билдирган қизиқишлари учун халқаро кўргазманинг махсус сертификати ва ташаккурномаси билан тақдирланди.      

    Самарқанд давлат университети
    Ахборот хизмати.