Самарқанд давлат университети докторанти Алишер Аслановнинг тадқиқотлари ишлаб чиқаришга жорий этилмоқда…
![](https://www.samdu.uz/upload/cover-images/65cbbda30d427-65cbbda30d428-65cbbda30d429-65cbbda30d42a.jpg)
Самарқанд давлат университети органик синтез ва биоорганик кимё кафедраси докторанти Алишер Асланов “Марказий қизилқум фосфоритларидан комплекс (N-P-S) ўгитлар олиш технологияси” мавзусида илмий тадқиқот олиб бормоқда.
Унинг 10 га яқин мақоласи Миср, Австралия, Ҳиндистон, Россия каби давлатларнинг журнал ва конференция тўпламларида эълон қилинган. Шунингдек бир мақоласи Scopus базасига кирувчи журналда нашр этилган. Франциянинг Клермонг Оверн университетнинг CAVILAM тил марказида "STEM" бўйича малака оширган.
Алишер Асланов тадқиқотларида фосфоритларни олтингугурт иштирокида фаоллаштирилиши натижасида фосфорнинг ўсимлик ўзлаштирувчан ва олтингугуртнинг гидрофил (намланувчи) шаклига ўтказишнинг имлий асосларини ишлаб чиққан. Олинган фосфор-олтингугуртли ўғитлар ўсимликларни озиқлантириш билан бир вақтда касаллик келтириб чиқарувчи ҳашоратларга қарши курашиш хусусиятига эга эканлигини аниқлаган. Олинган натижалар асосида “Sam FOS” ОАЖ ишлаб чиқариш корхонасида йириклаштирилган тажриба синовларидан ўтказилди ва ишлаб чиқаришга жорий этилмоқда.
Самарқанд давлат университети
Ахборот хизмати.