Самарқанд давлат университети халқаро ҳамкорлик бўйича проректори Акмал Ахатов Туркманистон муҳандислик-технологик университетида бўлди. Мазкур университет ректори Гурбанмират Мезилов билан учрашиб, томонлар ўртасида профессор-ўқитувчилар ва талабалар алмашинувини йўлга қўйиш, етакчи олимлар билан ҳамкорликда илмий тадқиқотларни олиб бориш, хорижий ҳамкор университетларнинг таълим дастурларини жорий этиш бўйича келишилди.

    Шунингдек, Туркманистон муҳандислик-технологик университетда ўтказилган “Яшил иқтисодиёт асосий йўналишлари: эко-, нано-, био- ва ахборот технологиялари” халқаро илмий-амалий конференциясининг ялпи мажлисида иштирок этди.

    Анжуманда 18 хорижий университет, илиий марказ ва муассасалардан соҳа мутахассислари иштирок этиб, барқарор ривожланиш борасида дунёда долзарб бўлган тенденциялар, экология ва атроф-муҳит, қишлоқ хўжалиги, саноат индустрияси, иқлим ўзгаришлари муаммолари ечимларига бағишланган янги технологияларни яратиш ва уларни қўллаш масалалари муҳокама қилинди.

 

Самарқанд давлат университети

Ахборот хизмати.