Самарқанд давлат университетига Ҳиндистоннинг Роорке технология институти директори профессор Кумар Пант бошчилигидаги делегация ташриф буюрди.

    Меҳмонлар билан Самарқанд давлат университети ректори, Ўзбекистон Республикаси фан арбоби, Олий Мажлис Сенати аъзоси Рустам Холмуродов учрашди.

    Мулоқотда гидрология ва гидрогеология йўналишларида қўшма таълим дастурларини йўлга қўйиш масалалари муҳокама қилинди. Профессор-ўқитувчи ва талабалар алмашинуви, магистрант ва тадқиқотчиларга раҳбарлик қилиш, халқаро анжуманлар ташкил этиш ҳамда нуфузли илмий журналларда мақолалар чоп этишга келишилди.

    Учрашув сўнгида томонлар ўртасида ҳамкорлик меморандуми имзоланди.

Самарқанд давлат университети

Ахборот хизмати.