Samarqand davlat universitetiga Ozarbayjon Respublikasi Iqtisodiyot vazirligi Iqtisodiyot ilmiy-tadqiqot instituti boshqaruvi raisi Shaxin Sadigov boshchiligidagi delegatsiya tashrif buyurdi.

    Martabali mehmonlar bilan Samarqand davlat universitet rektori, O‘zbekiston Respublikasi fan arbobi Rustam Xolmurodov uchrashdi.

    Muloqotda ikki davlatning taʼlim tizmi, iqtisodiyoti, madaniyati haqida fikr-mulohazalar bildirildi.

    Agrobiotexnologiya va oziq-ovqat xavfsizligi, biokimyo, inson resurslari, iqtisodiyot, gidrologiya sohalarida hamkorlik aloqalarini o‘rnatish bo‘yicha takliflar ko‘rib chiqildi. Professor-o‘qituvchi va talabalar almashinuvini yo‘lga qo‘yishga kelishildi.