Тошкент ва Самарқанд шаҳарларида Ўзбекистон ва Испания ректорлари форуми доирасида учрашувлар ўтказилмоқда.

         Самарқанд давлат архитектура-қурилиш университетида ўтказилган форумда, Ўзбекистон ва Испания олий таълим муассасалари ректорлари иштирокида халқаро ҳамкорлик алоқаларини мустаҳкамлаш бўйича музокаралар олиб борилди.

         Нуфузли форумда Самарқанд давлат университети халқаро ҳамкорлик бўйича проректори, профессор Акмал Ахатов иштирок этиб, Самарқанд давлат университети ва унинг фаолияти ҳақида маъруза қилди.

         Музокаралар давомида Испаниянинг Мадрид политехника, Коруня, Гранада, Валядолид университет ректорлари билан бир қатор инновацион лойиҳаларни амалга ошириш, профессор-ўқитувчи ва тадқиқотчилар алмашинувини йўлга қўйиш, университетлар ўртасида халқаро алоқаларни кенгайтириш каби масалалар муҳокама қилинди.

         Шунингдек, ушбу университетлар билан Муҳандислик физика, биотехнология, кимёвий технология, саноат технологияси, муҳандислик механикаси, ахборот коммуникация технологиялари, композит материаллар технологиялари каби соҳалар бўйича ҳамкорлик қилишга келишилди.       

  Самарқанд давлат университети

         Ахборот хизмати.