Samarqand davlat universitetida “IKAR karvoni” kitoblar taqdimoti bo‘lib o‘tdi. “Factor books” nashriyoti mas’ullari, Samarqand davlat universiteti o‘qituvchilari va talabalar ishtirokida qizg‘in o‘tgan taqdimot adabiyot ixlosmandlari uchun haqiqiy kitobxonlik atmosferasini yaratdi.

    O‘zbek adabiyotining sara namunalari orasidan tanlab olingan 4 kitobdan iborat “IKAR” to‘plami Usmon Azim, Erkin A’zam, Murod Muhammad Do‘st va Xurshid Davron kabi zabardast yozuvchi va shoirlarning asarlarini o‘zida jamlagan. Taqdimotda dastlab  “Factor books” nashriyoti faoliyati, “Ikar” loyihasi haqida qisqa roliklar namoyish etildi va ushbu to‘plam bo‘yicha e’lon qilingan tanlov haqida ma’lumot berildi. Shundan so‘ng kitobxon yoshlar o‘rtasida o‘tkazilgan sovrinli viktorinalar qizg‘in bahs va munozaralarga boy bo‘ldi.

    Taqdimot davomida “Factor books” nashriyoti tomonidan chop etilgan kitoblardan iborat yarmarka tashkil qilinib, talabalarga o‘zbek va jahon adabiyotining sara namunalarini qulay narxlarda sotib olish imkoniyati taqdim etildi.

 

    Iroda Bekmurodova,
    Samarqand davlat universiteti
    Axborot xizmati xodimi.
    Shavkat Akramov olgan suratlar.