Samarqand davlat universiteti xalqaro ta’lim dasturlari markazi bakalavriat bosqichida 8 ta’lim yo’nalishi mavjud bo’lib, Rossiya, Isroil, Janubiy Koreya, Xitoy kabi davlatlardagi oliy ta’lim muassasalari bilan hamkorlik aloqalarini yo’lga qoyib kelmoqda.

    Ushbu markazning tarix yo’nalishida tahsil olayotgan 5 nafar bitiruvchi talaba qo’shma ta’lim dasturi bo’yicha Shansi Normal universitetida o’qishni davom ettirish uchun Xitoyga jo’nab ketdi.

    Bugun men uchun quvonchli kun. O’qishimni endilikda Xitoyning Shansi Normal universitetida davom ettiraman, - deydi talaba Javohir Keldiyorov. – Samarqand davlat universitetida o’qishning o’zi bir baxt. Bu yerda o’qiyotganim bilan faxrlanaman. Hozirda bitiruvchi kurs talabasiman. 3 yildan ziyodroq vaqt mobaynida ingliz tili bo’yicha Xalqaro IELTS 6.0 va xitoy tili bo’yicha HSK 4 sertifikatini qo’lga kiritdim. Ingliz va xitoy tilida erkin muloqot qila olaman. Oldimda ulkan maqsadlar bor. Bu hali boshlanishi. Kelajakda o’qishimni davom ettirib, yurtimiz uchun munosib kadr bo’lish niyatidaman…       

 

    Samarqand davlat universiteti

    Axborot xizmati.