Samarqand davlat universiteti intellektual tizimlar va kompyuter texnologiyalari fakultetidagi IT markaz tarkibida Samarqand IT park bilan hamkorlikda Inkubatsiya va akseliratsiya markazining ochilish marosimi bo’lib o’tdi.

    Tadbirda Samarqand davlat universiteti xalqaro hamkorlik bo’yicha prorektori Akmal Axatov, Samarqand viloyati hokimining mahalliy sanoatni rivojlantirish bo'yicha maslahatchisi Nozir Ibragimov, Raqamli texnologiyalar vazirligi Samarqand viloyati hududiy boshqarmasi boshlig‘i Dilmurod  Xo‘jamberdiyev,  IT PARK Samarqand viloyati hududiy filiali direktori Sherzod Yusupovlar ishtirok etdi.

    Inkubatsiya va akseliratsiya markazining ochilishidan maqsad yoshlar o‘rtasida startap-ekotizimini hamda ta’lim sohasini rivojlantirishdir. Shuningdek, hamkorlikda donorlar, grantlar va boshqalarni jalb qilgan qo‘shma loyihalarni amalga oshirish, alohida dasturlar ishlab chiqish, o‘qituvchi
va murabbiylar uchun trening va seminarlar tashkil etish ko’zlangan…

Samarqand davlat universiteti

Axborot xizmati.