Keyingi  vaqtlarda  foydali  baliqlar  juda  kamayib ketganligi  sababli  baliqlarni  tabiiy  sharoitda  saqlash  va  ularning  sonini ko’paytirish  maqsadida  davlatimiz  tomonidan  bir  qator  chora  tadbirlar  amalga oshirilmoqda.  Baliqlarning  ko’payish  joylarini  himoya  qilish, suv  havzalarini ortiqcha  chiqindi  va  suv  o’simliklaridan  tozalab  turish, daryo, ko’l  va  hovuzlarni sanoat  korxonalaridan  chiqqan  zaharli  oqova  suvlardan va neft quyilishidan qo’riqlash, qimmatbaho baliqlarni  iqlimlashtirish, turlari  va  sonlari  kamayib ketayotgan  hamda  O’zbekiston  “Qizil  kitob”iga  kiritilgan  baliq  turlarini  himoya qilish  shular  jumlasidandir. Respublikamiz   aholisining  oqsil moddalariga bo‘lgan  talabini  qondirishda   baliq va baliq  mahsulotlari  muhim ahamiyatga ega.

    Baliq insoniyat tomonidan   qadim zamonlardan beri iste’mol qilinib kelinadi. Respublika sog’liqni saqlash vazirligining tavsiyasiga  ko'ra har bir inson organizmi  sog'lom rivojlanishi  uchun kuniga  33 g yoki yil  davomida  12 kg baliq mahsuloti iste’mol  qilishi lozim. Hozirgi kunda  baliqchilik xo'jaliklarida yetishtirilayotgan, tabiiy suv havzalaridan ovlanayotgan baliqlar aholi ehtiyojini to’liq qondira olmaydi. Oziq-ovqat  xavfsizligini  taminlashda  baliq  ovlash  va  akvakulturaning  o’rni  katta.  Baliq  to’la  qimmatli,  oqsilga  boy  ozuqa  obyekti  hisoblanadi.

    Oq amur asosan meliorativ ahamiyatga ega kanallarni yuksak suv o’tlaridan tozalab, biomeliorativ holatini yaxshilaydi, suvdagi mikroskopik suv o’tlaridan  mikrorganizmlardan tozalaydi shu bilan birga baliq mahsuldorligini oshiradi bular tez o’sish yuqori darajali ser pushtlikka ega. Shu munosabat bilan o’simlikxo’r baliqlar Samarqand viloyati akvokulturasining asosiy baliqlari hisoblanadi.  

 

Firuza Маlikova
Samarqand davlat universiteti
Biologiya fakulteti magistri