Anjumanda Samarqand davlat universiteti yoshlar masalalari va ma’naviy-ma’rifiy ishlar bo’yicha birinchi prorektori Rustam Yo’ldoshev, O‘zbekiston ta’lim va fan xodimlari  Respublika Kengashining rais  o‘rinbosari  Mahmud Boboyorov, O‘zbekiston ta’lim va fan xodimlari kasaba uyushmasi Respublika Kengashining Samarqand viloyati bo‘yicha mas’ul tashkilotchisi, viloyat raislar Kengashining raisi Iftixor Raximovlar ma’ruzalari bilan ishtirok etdi.

    Tantanali tadbirni Samarqand davlat universiteti boshlang’ich kasaba uyushma qo’mitasi raisi, dotsent Shavkat Maxmatmuradov kirish so’zi bilan ochib, barchani bayram bilan tabrikladi.

    Marosim davomida universitetda faol xizmat qilib kelayotgan institut hamda fakultet kasaba uyushma tashkilotlari raislari va qo‘mita a’zolariga esdalik sovg‘alari topshirildi.

    Bayram munosabati bilan universitet sport klubi bilan hamkorlikda o’tkazilgan kurash musoboqasining 12 nafar g’oliblari e’tirof etildi.

    Shuningdek, SamDU san’atshunoslik ta’lim yo’nalishida tahsil olayotgan bir qator talabalar “Jaholatga qarshi ma’rifat!” mavzusida o‘tkazilgan ko‘rik tanlovidagi ishtiroki hamda professor-o’qituvchilar Jamoliddin Raxmatov, Zavqiddin Istamov va Jahongir Xoliqovlar tomonidan “Sharq lirikasi” nomli san’at ko‘rgazmasi tashkil qilgani uchun taqdirlanishdi.

    Tadbir ko’tarinki ruhda davom etdi.

Samarqand davlat universiteti

Axborot xizmati.