Samarqand davlat universitetiga Xitoyning Shimoliy-g'arbiy qishloq xo'jaligi va o'rmonchilik universiteti prorektori Yan Szushu boshchiligidagi delegatsiya tashrif buyurdi.

    Mehmonlar bilan Samarqand davlat universiteti xalqaro hamkorlik bo'yicha prorektori, professor Akmal Axatov uchrashdi.

    Tashrifdan asosiy maqsad SamDU da bug'doy seleksiyasi va urug'chilik markazini tashkil etish hamda o'zbekistonlik va xitoylik olimlarning ilmiy tadqiqotlarni olib borish masalalari muhokama qilishdir. Mazkur markazda bug’doyning qurg’oqchilik va sho’rlanishga chidamli yangi navlarini yaratilishi rejalashtirildi.

    Samarqand davlat universiteti Xalqaro bug’doy tadqiqotlari alyansiga a’zo bo’lish masalasi ko’rib chiqildi. Joriy yilning dekabr oyida mazkur alyansning yig’ilishida Samarqand davlat universiteti ishtirok etadigan bo’ldi.

    Shuningdek, professor-o’qituvchi va talabalar almashinuvini yo’lga qo’yish, qishki maktablarni tashkil etish belgilandi.

Samarqand davlat universiteti

Axborot xizmati.