Samarqand davlat universiteti professori J.X.Xadjayevga

    Hurmatli Jo‘raqul Xadjayevich!

    Sizni bugungi tavallud kuningiz bilan Samarqand davlat universiteti jamoasi nomidan samimiy muborakbod etaman. Uzoq umr, sihat-salomatlik, faoliyatingizga ulkan muvaffaqiyat va zafarlar tilayman.

    Siz butun umrini ilm-fanga bag‘ishlagan ziyoli, ma’rifatparvar inson sifatida 60 yildan buyon biologiya ilmi rivojiga hissa qo‘shib kelmoqdasiz. Sizning zahmatli mehnatlaringiz samarasi o‘laroq, bugun Samarqand davlat universiteti biologiya fakultetidan Vatanimiz taraqqiyoti va rivoji yo‘lida chin yurakdan mehnat qilib kelayotgan yuzlab olimlar, minglab pedagoglar, iste’dodli yoshlar yetishib chiqqan.

    Siz fidoyi olim, zahmatkash ustoz sifatida mamlakatimiz ilmiy jamoatchiligi oldida ham katta hurmat-e’tiborga egasiz. Faoliyatingiz davomida o‘ndan ortiq fan nomzodlari va doktorlarining ilmiy rahbari, 1 monografiya, 14 o‘quv, uslubiy qo‘llanmalar,  1 darslik va 250 dan ortiq ilmiy maqolalar muallifisiz. Butun respublikamiz ilm ahllari sizning ilm-fan oldidagi mehnatlaringizni, uzoq yillardan buyon  universitetimiz rivojiga qo‘shib kelayotgan hissangizni qadrlaydi.

    Fursatdan foydalanib, yana bir bor qutlug‘ yoshingiz bilan tabriklab, Sizga mustahkam sog‘lik, oilangizga fayzu baraka, faoliyatingiz hamda ijodiy ishlaringizga muvaffaqiyatlar tilayman!

    Farzandlaringiz va nabiralaringizning baxtu kamolini ko‘rib yuring!

    Hurmat bilan,

    Rustam XOLMURODOV,
    Samarqand davlat universiteti rektori,
    O‘zbekiston Respublikasi fan arbobi,
    Oliy Majlis Senati a’zosi.