Samarqand davlat universitetida 9-11-oktabr kunlari "Saljuqiylar tarixiy-geografiyasi Turkiston" III xalqaro simpoziumi bo’lib o’tadi. Mazkur xalqaro anjuman olidan Turkiyaning Nejmettin Erbakan universiteti rektori, professor Jem Zorlu SamDUga tashrif buyurdi.

    Martabali mehmon bilan Samarqand davlat universiteti rektori, O’zbekiston Respublikasi fan arbobi, Oliy Majlis Senati a’zosi Rustam Xolmurodov uchrashdi. Muloqotda hamkorlik aloqalari muhokama qilindi. Dolzarb mavzularda tadqiqotlar olib borish, ilmiy markazlar tashkil etishga kelishildi.

    Uchrashuv so’ngida tomonlar o’rtasida hamkorlik memorandumi imzolandi.

    Tashrif davomida professor Jem Zorlu Samarqand davlat universiteti Turkologiya ilmiy tadqiqot instituti faoliyati bilan tanishdi.

Samarqand davlat universiteti

Axborot xizmati.