Tadbirda huquqshunos, mehnat faxriysi Salom Obloqulov, professor-o’qituvchi va talabalar ishtirok etdi.

    Salom Obloqulov tadbir ishtirokchilarga o’zining bosib o’tgan yo’llari, hayot tajribasi haqida gapirib berdi. Shuningdek, yurtimizda amalga oshirilayotgan islohotlar to’g’risida to’xtaldi.

    Ishtirokchilar uchrashuvning mazmun mohiyati hamda bu kabi tadbirlarning yoshlar tarbiyasida tutgan o’rni bo’yicha fikr-mulohazalarini bildirdi.

    - Samarqand davlat universiteti yurtimizdagi oliy o’quv yurtlari orasida eng qadimiysi va yetakchisidir. Huquqni muhofaza qiluvchi organlarda 35 yil rahbarlik lavozimida ishladim, - deydi Salom Obloqulov. – Asosan prokuratura sohasida faoliyat ko’rsatganman. Ushbu dargohning professor-o’qituvchi va bitiruvchilarini yaxshi bilaman. Respublikaning yuqori tashkilotlarida SamDU bitiruvchilarining alohida o’rni bor… Men ishlagan davrlarda prokuratura sohasi ancha murakkabroq edi. Hozir ming shukurki, zamon yaxshilandi. Har qanday sohada islohotlar amalga oshirildi. Buning uchun Prezident Shavkat Mirziyoyevga minnatdorlik bildiraman… 

      

    Samarqand davlat universiteti

    Axborot xizmati.