Samarqand  davlat  universitetida  shu nomli tadbir o‘tkazildi.  Anjumanda Respublika  Ma’naviyat  va ma’rifat markazi ekspertlar komissiyasi a’zosi Jamila Shermuhamedova, Respublika “Oqila ayollar” harakati a’zosi Gulshan Asatova,  Oila va xotin-qizlar qo‘mitasi bosh mutaxassisi To’linoy Qodirova, Samarqand viloyati hokim o‘rinbosari, Oila va xotin-qizlar boshqarmasi boshlig‘i Zebo Saidovalar ishtirok etdi. Tadbirni SamDU xotin-qizlar va gender tenglik masalalari bo‘yicha rektor maslahatchisi, dotsent Sharofat To‘xlieva olib bordi. 

    Tadbirda jamiyat taraqqiyotida xotin-qizlarning, xususan,  ilmli, ma’rifatli, tadbirkor  ayollarning o‘rni,  gender tenglik, oilada, jamiyatda ayollar faolligini yanada oshirish, qizlarimizning erta  turmushga chiqishining oldini olish uchun, qarindoshlik nikohining salbiy oqibatlari haqida  ma’ruzalar tinglandi. Tadbir so‘nggida “Ayol ma’rifati” harakati va bu harakatning istiqbol rejalari xususida o‘rtoqlashildi. “Ayol ma’rifati”  harakatining viloyatdagi rahbari Samarqand  davlat  universiteti dotsenti  Orziboni Yusupova nomzodi ma’qullandi. Bu harakat “Oqila ayollar”  kabi Respublika va viloyat Oila va xotin-qizlar boshqarmalarining  qanoti bo‘lishi ta’kidlandi.